Скачать или смотреть எண்மின் காலத்தில் வழக்காறுகள்| Folklore in the Digital Age delivered by Professor A Chellaperumal

மதுரை காமராசர் பல்கலைகழகத்தின் நிகழ்த்துக்கலை புலம் நடத்திய மின்னணு உலகியற் சூழலில் நாட்டுப்புறவியல்: சவால்கள் மற்றும் வாய்ப்புகள் குறித்த ஐந்து நாள் இணைய வழி தேசிய கருத்தரங்கில் 04.12.2020 அன்று "எண்மின் காலத்தில் நாட்டார் வழக்காறுகள்" என்ற தலைப்பில் பேரா.ஆ. செல்லபெருமாள் அவர்கள் ஆற்றிய உரையின் காணொளி வடிவம்.

பேரா.முனைவர். ஆ. செல்லப்பெருமாள் அவர்கள் சென்னைப் பல்கலைக்கழகத்தில் மானிடவியலில் முதுகலைப் பட்டத்தையும், தமிழ்நாட்டுக் கிராமம் ஒன்றின் மாறிவரும் பொருளாதார அரசியல் அமைப்புகள் குறித்த ஆய்விற்காக முனைவர் பட்டத்தையும் பெற்றுள்ளார். ஊரக ஆய்வில் ஈடுபாடு கொண்டிருப்பதைப் போன்றே இவர் பழங்குடிகளான கோத்தர், முள்ளுக்குரும்பர், கல்ராயன் மலைவாழ் மலையாளிகள், கோவை, செங்கைப் பகுதிகளின் இருளர் ஆகிய பழங்குடிகள் குறித்து ஏராளமான ஆய்வுகள் மேற்கொண்டுள்ளார். 1987 ஆம் ஆண்டு பாளையங்கோட்டை தூய சவேரியார் கல்லூரியில் நாட்டார் வழக்காற்றியல் முதுகலைத் துறை தொடங்கிய காலந்தொட்டு அங்குப் பணிபுரிந்து 2006 முதல் புதுவைப் பல்கலைக்கழக மானிடவியல் துறைத் தலைவராகவும் இருந்தவர். புதுவைப் பல்கலைக்கழகச் சமுதாயக் கல்லூரியில் முதல்வராகக் கூடுதல் பொறுப்பையும் வகித்தவர். நாற்பதுக்கும் மேற்பட்ட கட்டுரைகளைப் பல தேசிய, சர்வதேச கருத்தரங்குகளில் சமர்ப்பித்தும் ஆய்விதழ்களில் வெளியிட்டும் உள்ளார். நான்கு நூல்களும், நாற்பதுக்கும் மேற்பட்ட ஆய்வுக் கட்டுரைகளும் எழுதியுள்ளார். பண்பாட்டு மானிடவியல், நாட்டார் வழக்காற்றியல், இனக்குழு கவிதையியல், இலக்கிய மானிடவியல் போன்றவற்றில் தொடர்ந்து பங்களிப்பு செய்து வருபவர். மானிடவியலைத் தமிழ்வழி பிரபலப்படுத்தியதில் முன்னோடி. யு.ஜி.சி. ஆய்வு விருது, தூய சவேரியர் கல்லூரி ஆய்வு விருது, ஃபுல்பிரைட் சர்வதேச விருது போன்றவை இவருக்கு அளிக்கப்பட்டுள்ளன. அமெரிக்கா, பின்லாந்து, குவைத், சீனா போன்ற நாடுகளின் பல்கலைக் கழகங்களுக்குத் துறைசார் பணிகளுக்காகச் சென்று வந்துள்ளார்.

கருத்தரங்க ஒருங்கிணைப்பு
முனைவர். சி. ஜஸ்டின் செல்வராஜ்