Relikt - Zrušany Sviet / Зрушаны свет (Official Video)

Адзначым 10-годдзе гурта Relikt разам!
Купляйце квіткі і прыходзьце на вялікі сольны канцэрт у Republic Club Minsk 14 кастрычніка 2020: https://bezkassira.by/buy/9018/

Buy or download for free Relikt music here: https://relikt-belarus.bandcamp.com/
Купляце ці пампуйце бясплатна музыку Relikt: https://relikt-belarus.bandcamp.com/

На Tuzin.fm прэм’ера новага кліпа гурта Relikt «Zrušany Sviet». Музыкі зьнялі яго з мэтаю паказаць свой пазытыўны і драйвовы складнік.

Здымкі роліку адбыліся на тэрыторыі аднаго з складоў на ўскрайку Менску. «Па сюжэце мы граем у ангары, у якім прарастаюць дрэвы. Тут няма сонечнага сьвятла, але з дапамогаю музычнай энэргетыкі і добрых думак жыцьцё адраджаецца і квітнее», — распавядае Зьміцер Наркевіч, бас-гітарыст гурта. Рэжысэрам роліку стаў Алесь Дземідзенка, лідэр і бубнач гурта. «Ведаю, што шмат хто лічыць нас містычнымі, магічнымі ды шаманскімі, якія ў цемры нешта варожаць, — кажа Алесь. — Дык вось кліпам „Зрушаны сьвет“ мы хочам прадэманстраваць свой пазытыўна/драйвовы/рокавы складнік. А таксама паказаць, што нават у месцы, дзе няма сонца ўнутраная станоўчая энэргія здольная ствараць сьвятло».

Папярэдні ролік гурта на акустычную вэрсію песьні «Чаго ты, лося» дасягнуў посьпеху ў мінулым сэзоне на Tuzin.fm і перамог у мэгатуры 2014/2015. «Кліпы трэба здымаць. Гэта візуальны складнік гурта, музыкі, што мы граем. Відэа гарманічна дапаўняе тое, што мы выказваем праз музыку, — упэўненыя стваральнікі «Зрушанага сьвету». — Новыя кліпы абавязкова будуць, яны заплянаваныя і ідзе падрыхтоўка да іх стварэньня».

Музыкі зрабілі гэтае відэа яшчэ і таму, каб паказаць што зь сябе ўяўляе гурт на сёньня, бо ня кожны слухач можа трапіць на іх канцэрт і апынуцца ў іх атмасфэры. Вялікі канцэрт гурта з нагоды прэм’еры альбому «Лекавыя травы» адбудзецца 7 сьнежня ў Менску.

Над кліпам «Zrušany Sviet» працавалі Аляксандар Дземідзенка (рэжысэр), Віталь Наркевіч (апэратар, мантаж, постпрадакшн), Сяргей Драніца, Ірына Куташова, Валерыя Конанава (здымачная група). Гурт таксама выказвае падзякі Максіму Янківу, Івану і Вячаславе Масьлюковым, Віцю Шумскаму, Кацярыне Арцімені.