Результат работы последовательного чтения псалмов превосходит любые ожидания!
Можно зажечь свечу и читать текст вместе с видео.
Слушайте молитвы в течении 40 дней, кратное 3 количество раз, и вы удивитесь как в Божественном Порядке начнут происходить чудеса.
Молитвы читает Иеродиакон Герман (Рябцев)
Псалом 6
Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Поми́луй мя, Го́споди, я́ко не́мощен есмь, исцели́ мя, Го́споди, я́ко смято́шася ко́сти моя́. И душа́ моя́ смяте́ся зело́: и Ты, Го́споди, доко́ле? Обрати́ся, Го́споди, изба́ви ду́шу мою́: спаси́ мя ра́ди ми́лости Твоея́. Яко несть в сме́рти помина́яй Тебе́: во а́де же кто испове́стся Тебе́? Утруди́хся воздыха́нием мои́м, измы́ю на вся́ку нощь ло́же мое́, слеза́ми мои́ми посте́лю мою́ омочу́. Смяте́ся от я́рости о́ко мое́, обетша́х во всех вразе́х мои́х. Отступи́те от мене́, вси де́лающии беззако́ние, я́ко услы́ша Госпо́дь глас пла́ча мо́его: услы́ша Госпо́дь моле́ние мое́, Госпо́дь моли́тву мою́ прия́т. Да постыдя́тся и смяту́тся вси врази́ мои́, да возвратя́тся и устыдя́тся зело́ вско́ре.
Слава:
Псалом 96
Госпо́дь воцари́ся, да ра́дуется земля́, да веселя́тся о́строви мно́зи. Облак и мрак о́крест его, пра́вда и судьба́ исправле́ние Престо́ла Его. Огнь пред Ним предъи́дет, и попали́т о́крест враги́ Его. Освети́ша мо́лния Его вселе́нную: ви́де, и подви́жеся земля́. Го́ры я́ко воск раста́яша от лица́ Госпо́дня, от лица́ Го́спода всея́ земли́. Возвести́ша небеса́ пра́вду Его, и ви́деша вси лю́дие сла́ву Его. Да постыдя́тся вси кла́няющиися истука́нным, хва́лящиися о и́долех свои́х, поклони́теся Ему вси Ангели Его. Слы́ша и возвесели́ся Сио́н, и возра́довашася дще́ри Иуде́йския, суде́б ра́ди Твои́х, Го́споди, я́ко Ты Госпо́дь Вы́шний над все́ю земле́ю, зело́ превозне́слся еси́ над все́ми бо́ги. Лю́бящии Го́спода, ненави́дите зла́я, храни́т Госпо́дь ду́шы преподо́бных Свои́х, из ру́ки гре́шничи изба́вит я́. Свет возсия́ пра́веднику, и пра́вым се́рдцем весе́лие. Весели́теся, пра́веднии, о Го́споде и испове́дайте па́мять Святы́ни Его.
Слава:
Псалом 43
Бо́же, уши́ма на́шима услы́шахом, и отцы́ на́ши возвести́ша нам де́ло, е́же соде́лал еси́ во днех их, во днех дре́вних. Рука́ Твоя́ язы́ки потреби́, и насади́л я́ еси́, озло́бил еси́ лю́ди и изгна́л еси́ я́. Не бо мече́м свои́м насле́диша зе́млю, и мы́шца их не спа́се их, но десни́ца Твоя́, и мы́шца Твоя́, и просвеще́ние лица́ Твоего́, я́ко благоволи́л еси́ в них. Ты еси́ Сам Царь мой и Бог мой, запове́даяй спасе́ния Иа́ковля. О Тебе́ враги́ на́шя избоде́м ро́ги, и о и́мени Твое́м уничижи́м востаю́щыя на ны. Не на лук бо мой упова́ю, и мечь мой не спасе́т мене́. Спасл бо еси́ нас от стужа́ющих нам, и ненави́дящих нас посрами́л еси́. О Бо́зе похва́лимся весь день и о и́мени Твое́м испове́мыся во век. Ны́не же отри́нул еси́ и посрами́л еси́ нас, и не изы́деши, Бо́же, в си́лах на́ших. Возврати́л еси́ нас вспять при вразе́х на́ших, и ненави́дящии нас расхища́ху себе́. Дал еси́ нас я́ко о́вцы сне́ди, и во язы́цех разсе́ял ны еси́. Отда́л еси́ лю́ди Твоя́ без цены́, и не бе мно́жество в восклица́ниих на́ших. Положи́л еси́ нас поноше́ние сосе́дом на́шим, подражне́ние и поруга́ние су́щым о́крест нас. Положи́л еси́ нас в при́тчу во язы́цех, покива́нию главы́ в лю́дех. Весь день срам мой предо́ мно́ю есть, и студ лица́ моего́ покры́ мя от гла́са поноша́ющаго и оклевета́ющаго, от лица́ вра́жия и изгоня́щаго. Сия́ вся приидо́ша на ны, и не забы́хом Тебе́, и не непра́вдовахом в заве́те Твое́м. И не отступи́ вспять се́рдце на́ше, и уклони́л еси́ стези́ наша от пути́ Твоего́. Яко смири́л еси́ нас на ме́сте озлобле́ния, и прикры́ ны сень сме́ртная. Аще забы́хом и́мя Бо́га на́шего и а́ще возде́хом ру́ки на́ша к бо́гу чужде́му. Не Бог ли взы́щет сих? То́й бо весть та́йная се́рдца. Зане́ Тебе́ ра́ди умерщвля́емся весь день, вмени́хомся я́ко о́вцы заколе́ния. Воста́ни, вску́ю спи́ши, Го́споди? Воскресни́ и не отри́ни до конца́. Вску́ю лице́ Твое отвраща́еши? Забыва́еши нищету́ нашу и скорбь нашу? Яко смири́ся в персть душа́ наша, прильпе́ земли́ утро́ба наша. Воскресни́, Го́споди, помози́ нам и изба́ви нас и́мене ра́ди Твоего́.
Псалом 111
Блаже́н муж, боя́йся Го́спода, в за́поведех Его восхо́щет зело́. Си́льно на земли́ бу́дет се́мя его, род пра́вых благослови́тся: сла́ва и бога́тство в дому́ его́, и пра́вда его́ пребыва́ет в век ве́ка. Возсия́ во тме свет пра́вым, ми́лостив и щедр, и пра́веден. Благ муж, ще́дря и дая́: устро́ит словеса́ своя́ на суде́, я́ко в век не подви́жится. В па́мять ве́чную бу́дет пра́ведник. От слу́ха зла не убои́тся, гото́во се́рдце его́ упова́ти на Го́спода. Утверди́ся се́рдце его, не убои́тся, до́ндеже воззри́т на враги́ своя́. Расточи́, даде́ убо́гим, пра́вда его пребыва́ет во век ве́ка, рог его вознесе́тся в сла́ве. Гре́шник у́зрит и прогне́вается, зубы́ свои́ми поскреже́щет и раста́ет, жела́ние гре́шника поги́бнет.
Слава:
#алхимиялюбви #второйбрак #свадьба
#перемены #судьба #отношения
#любовь #счастье #женскоесчастье #истинноесчастье #исполнениежеланий
Информация по комментариям в разработке