Скачать или смотреть បច្ចុប្បន្នភាពសង្គ្រាមអ៊ីស្រាអែល-អ៊ីរ៉ង់៖ សហរដ្ឋអាមេរិកព្រមានអ៊ីរ៉ង់កុំឱ្យបង្កើនសកម្មភាពយោធា

*អ៊ីស្រាអែលថាពិភពលោកត្រូវតែធានាថា ការគំរាមកំហែងនៃអ៊ីរ៉ង់ដែលមានអាវុធនុយក្លេអ៊ែរនឹងមិនកើតឡើងជាថ្មី*
*បារាំងរៀបចំយន្តហោះយោធាដើម្បីជម្លៀសពលរដ្ឋរបស់ខ្លួនចេញពីអ៊ីស្រាអែល*
*សហរដ្ឋអាមេរិកព្រមានអ៊ីរ៉ង់កុំឱ្យបង្កើនសកម្មភាពយោធា*
*អ៊ីរ៉ង់ថានឹងសម្រេចចិត្តលើ ពេលវេលាជាក់ស្ដែង និងទំហំនៃការឆ្លើយតបរបស់ខ្លួនចំពោះការវាយប្រហាររបស់ សហរដ្ឋអាមេរិក
*សហរដ្ឋអាមេរិកបង្កើនការជម្លៀសប្រជាជនបន្ទាន់នៅមជ្ឈិមបូព៌ា និងការព្រមានអំពីការធ្វើដំណើរ*
*មជ្ឈមណ្ឌលព័ត៌មានដែនសមុទ្រព្រមានថា ការវាយប្រហាររបស់សហរដ្ឋអាមេរិកបានបង្ក “ជាការព្រួយបារម្ភ កាន់តែខ្លាំង” សម្រាប់ក្រុមហ៊ុនដឹកជញ្ជូន*
*សហរដ្ឋអាមេរិកចេញការព្រមានទូទាំងពិភពលោកដល់ជនជាតិអាមេរិក*

ឯកអគ្គរដ្ឋទូតអ៊ីរ៉ង់ប្រចាំនៅអង្គការសហប្រជាជាតិ លោក Amir Saeid Iravani បានប្រាប់កិច្ចប្រជុំបន្ទាន់ របស់ក្រុមប្រឹក្សាសន្តិសុខអង្គការសហប្រជាជាតិថា “អ៊ីរ៉ង់បានព្រមានម្តងហើយម្តងទៀត ដល់របបសហរដ្ឋ អាមេរិកដែលចូលចិត្តសង្គ្រាម ឱ្យបញ្ឈប់ការជ្រួលច្របល់ចូលទៅក្នុងភក់ជ្រាំទាំងនេះ”។
លោកបានចោទប្រកាន់នាយករដ្ឋមន្ត្រីអ៊ីស្រាអែល លោក Benjamin Netanyahu ថាបានជោគជ័យក្នុងការ ធ្វើឱ្យប្រធានាធិបតីសហរដ្ឋអាមេរិក លោក Donald Trump ធ្វើ ការងារដ៏កខ្វក់របស់បស្ចិមប្រទេស និងបាន “គ្រប់គ្រងនយោបាយការបរទេសរបស់សហរដ្ឋអាមេរិក ដោយទាញសហរដ្ឋអាមេរិកចូលទៅក្នុងសង្គ្រាម ដែលគ្មានមូលដ្ឋាន ជាមួយនឹងការចំណាយដ៏ខ្ពស់មួយទៀត”។
លោក Iravani បានហៅការវាយប្រហាររបស់សហរដ្ឋអាមេរិក និងអ៊ីស្រាអែលទៅលើអ៊ីរ៉ង់ថាជា “ការរំលោភច្បាប់ អន្តរជាតិយ៉ាងច្បាស់លាស់ និងទាំងគឃ្លើន”។ លោកបាននិយាយថា នៅពេលដែលរដ្ឋមន្ត្រីការបរទេសអ៊ីរ៉ង់ កំពុងចរចាជាមួយសមភាគីអឺរ៉ុបមួយចំនួនកាលពីសប្តាហ៍នេះ “សហរដ្ឋអាមេរិកបានសម្រេចចិត្តបំផ្លាញ នូវការទូតទាំងនោះ”។
“តើស្ថានភាពនេះ បានបង្ហាញអ្វីដល់យើង?” បើតាមទស្សនៈរបស់បណ្តាប្រទេសលោកខាងលិចគិតថា អ៊ីរ៉ង់ត្រូវតែ ‘ត្រឡប់ទៅចរចាឡើងវិញ’។ ប៉ុន្តែរដ្ឋមន្ត្រីការបរទេសអ៊ីរ៉ង់ក៏បាននិយាយហើយថា ‘អ៊ីរ៉ង់មិនដែលបោះបង់ ការចរចាទេ ដូច្នេះតើយើងនឹងត្រឡប់ទៅធ្វើអ្វី?’ សហរដ្ឋអាមេរិក “បានសម្រេចចិត្តបំផ្លាញផ្លូវការទូត” ជាមួយនឹង ការវាយប្រហារទៅលើកម្មវិធីនុយក្លេអ៊ែររបស់យើង ហើយកងទ័ពអ៊ីរ៉ង់នឹងសម្រេចចិត្តទៅលើ “ពេលវេលា លក្ខណៈ និងទំហំនៃការឆ្លើយតបដ៏សមស្របរបស់អ៊ីរ៉ង់”។ ដោយលោកបានប្រាប់ទៅកិច្ចប្រជុំនោះថា “យើងនឹងចាត់វិធាន ការដែលចាំបាច់ទាំងអស់”។