Скачать или смотреть 8-mart — Xalqaro xotin-qizlar kuni | Toshkent gumanitar fanlar universitetida

8-mart — Xalqaro xotin-qizlar kuni munosabati bilan Toshkent gumanitar fanlar universitetida bayram tadbiri ko‘tarinki ruhda tashkil etildi.

✅Erta tongdan universitetimizning professor-o‘qituvchilari hamda talaba-qizlari bayramona kayfiyatda tantanali ravishda kutib olindi. Ushbu quvonchli lahzalar barchaga bayram shukuhi va iliq kayfiyat ulashdi.

✅Shundan so‘ng universitetning Faollar zalida bayram tadbirining asosiy qismi boshlandi. Tadbir davomida iqtidorli talabalar tomonidan tayyorlangan turli badiiy chiqishlar namoyish etildi. Jonli ijrodagi kuy-qo‘shiqlar, dilbar she’rlar, sahna ko‘rinishlari, qiziqarli o‘yinlar hamda milliy raqslar tadbirga alohida fayz bag‘ishladi.

✅Tadbir yakunida universitet rektori tomonidan yil davomida fidokorona mehnat qilib, namuna ko‘rsatgan ayol professor-o‘qituvchilar va xodimlarga tashakkurnomalar topshirildi. Shuningdek, barcha ayol xodimlarga bayram munosabati bilan esdalik sovg‘alari taqdim etildi.

✅Mazkur bayram tadbiri universitetimiz ayollariga bo‘lgan yuksak hurmat va e’tibor ifodasi sifatida barchaga unutilmas taassurotlar ulashdi.