ياحبنا لاسم الشيابين حباه - خالد ال بريك & عبدالعزيز الوذيناني - ياراسي اللي مانحنا غير لله 2024

لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" سنابي "

  / u511a  


“جبل عتيبه”

شيله مهداه الى رجل الاعمال :
مرزوق بن عبدالهادي الشيباني

كلمات : عبدالعزيز الوذيناني

ياراسي اللي مانحنا غير لله
وفارض على روس الرجال احترامه

يفداك من حده زمانه على اقصاه
واخمر براسه مثل راس النعامه

ماني بحب كتوف ويدين وجباه
واموت ماارضا الذل والانهزامه

حمامة الوادي طربها معاناه
حلي وزلي وارحلي ياحمامه

انا بدوي ٍبارق الخير يشعاه
لو ماحصله غير شده وقامه

اخيل لي نون من الغرب منشاه
ورا الجبال اللي بساحل تهامه

عسى ذعاذيع الهبوب اتقفاه
ويركد على مرابع اهل الجهامه

على الوطن كله من اقصاه لدناه
شماله وغربه وشرقه وشامه

ويزين لشاعر قصيده ومعناه
اللي ع الابداع بصمة ابهامه

الشعر كيفن كل يوم اتقهواه
واعرف سلوم الشعر واعرف نظامه

وانا عتيبين تسوقه حميّاه
ولاخاب من عزوة عتيبه حزامه

سلام يامن بشت الامداح يزهاه
شيخٍ بفعله عز ربي مقامه

مرزوق سيفن لصعايب ذخرناه
مرزوق في الامجاد هامه وقامه

مرزوق عبدالهادي الوجه والجاه
رمز المروه والوفاء والكرامه

مرزوق كل ابيات مدحي تنصاه
لنه عطا التاريخ جل اهتمامه

من يحتزم به يجعل طويق مركاه
ويحذف همومه في ثمانين قامه

مدات جوده مثل نون نثر ماه
غمامتن تنشي وراها غمامه

من طيب هقواته ومن زين مبداه
حمل القبيله ماعثربه وضامه

جبل عتيبه من زبن في حجاياه
يبشر بعزه لين يوم القيامه

هذا ثقفين فعل يمناه سماه
هذا عدو اهل البخل والرخامه

مطنوخن من الاد شيبان مجناه
المجد أخذ جلّه وذروة سنامه

الاد شيبان الفهود المغذاه
هم والله اسياد المقام وعمامه

ياحبنا ل اسم الشيابين حباه
اسمن حروفه عز راس و زعامه

عاد الشيابين اهل تاريخ ودهاه
حربة عتيبه محتمين الجهامه

المجد كله و الفخر والمباهاه
من لامني فيهم عليه الملامه