Manqabat Imam Sajjad AS | Poet Zain Jafri | Alag hey | Tarahi Mehfil Abdia Center | 2 Dec 2023

An yearly tarahi mehfil held at Abdia Center Imam Bargah on the birth occasion of Imam Sajjad AS organized by Adnan Khuaja, a famous manqabat khuan, and his family.
#ZainJafri#ManqabatImamSajjadAS

قربت میں تری اسکا جیۓ جانا الگ ہے۔
اے شمعِ مودت ترا پروانہ الگ ہے۔
عابد کو گلے بڑھ کے لگا لے اے مدینہ۔
دربار سے زینب کو بچا لانا الگ ہے۔
تُو بھائی کے قاتل کو بھی مشکل میں اماں دے۔
مولا یہ ترا طرزِ کریمانہ الگ ہے۔
مولا مجھے دربار بُلا کر ہی شفا دے۔
مولا ترے ہاتھوں سے شفا پانا الگ ہے۔
ہم تیری دعاؤں میں اُسے ڈھونڈ چُکے ہیں۔
مولا ترا توحید کو سمجھانا الگ ہے۔
خطبے کو جو روکا تو اذاں دے کے ہے روکا۔
یہ دشمنِ اسلام کا گھبرانا الگ ہے۔
ہشام کے آگے جو فرزدق نے سنائی۔
اُس مدحتِ سجّاد کا نذرانہ الگ ہے۔
میثم کی طرح عشق کے دریا میں اُترنا۔
اور ہنستے ہوئے دار پہ چڑھ جانا، الگ ہے۔
حُر شام کا بھولا تھا مگر صبحُ گھر آیا۔
گھر چھوڑنا اور دیر سے گھر آنا الگ ہے۔
میں عاشقِ سجاد ہوں، میں کہتا رہوں زین۔
خود سیدِ سجاد کا فرمانا الگ ہے۔
زین جعفری