Скачать или смотреть திருவாரூர் ஸ்ரீ தியாகராஜ சுவாமி ஆலயத்தில் இந்திரன் தரிசிக்கும் விழா|Tiruvarur Thyagaraja temple |

#Thyagarajartemple
#tamilnews
#thiruvarur


திருவாரூர் ஸ்ரீதியாகராஜ சுவாமி ஆலயத்தில் சுவாமியை இந்திரன் தரிசிக்கும் இந்திர பூஜை எனும் நிறைபணி விழா: திரளான பக்தர்கள் சுவாமி தரிசனம்…


       திருவாரூர் ஸ்ரீதியாகராஜ சுவாமியை இந்திரன் தரிசிக்கும் இந்திர பூஜை எனும் நிறைபணி விழா இன்று மாலை (20-09-2021) வெகுவிமர்சையாக நடைபெற்றது.


       கோவில்களின் கோவில் என அழைக்கப்படுவதும் நாட்டிலேயே அதிகமான சன்னதிகளை கொண்டதுமான திருவாரூர் ஸ்ரீதியாகராஜ சுவாமி ஆலயம் சைவ சமயத்தின் தலைமைபீடமாக விளங்குகிறது.


       ஸ்ரீதியாகராஜ சுவாமியை தேவலோகத்தில் தேவேந்திரனால் வழிபட்ட வேலையில், தேவேந்திரன் பெண், பதவி, பொருள் மோகத்தால் ஸ்ரீதியாகராஜ சுவாமியை வழிபட மறந்தகாரணத்தால், ஸ்ரீதியாகராஜ சுவாமி இந்திரனை சபித்து தன்னையே தியாகம் செய்துவந்த பூலோக மக்களுக்காக தானே விரும்பி வந்து கோயில் கொண்ட இடம் தான் திருவாரூர் ஸ்தலம்.


       இந்திரனை சபித்த இறைவன் தியாகராஜ சுவாமி தன்னை தரிசிக்க திருவாரூர் ஆலயத்திற்குள் வரக்கூடாது என உத்தரவிட்டார். 


       தனது தவற்றை உணர்ந்த தேவேந்திரன் இறைவனிடம் மன்னிப்பு கோர, மனம் இறங்கிய ஸ்ரீதியாகராஜ சுவாமி புரட்டாசி மாதம் பூரட்டாதி நட்சத்திரம் உடைய முழு பௌர்ணமி நாளில் மாலையில் நடைபெறும் சாயரட்சை வேளையில் தன்னை தரிசிக்கலாம் என அருள்கிறார்.


 அதன்படி தேவேந்திரன் இந்திரலோகத்தில் இருந்து வந்து இறைவனை வழிபட்டதை நினைபடுத்தும் வகையில் வருடாவருடம் புரட்டாசி மாதம் பூரட்டாசி நட்சத்திரத்தில் பௌர்ணமி நாளில் மாலை நேரத்தில் தேவேந்திரன் திருவாரூரில் இறைவன் ஸ்ரீதியாகராஜ சுவாமியை வழிபடும் இந்திர பூஜை என அழைக்கப்படும் நிறைபணி விழா சிறப்பாக நடைபெற்றது.


       இதனையொட்டி ஆலயத்தின் மூலஸ்தான பிரகாரம் முழுவதும் வண்ண வண்ண மலர்கள், பல வண்ண நிறத்திலான புடவைகள், வண்ணவண்ண மின் விளக்குகள், காய் கனிகள் ஆகியவற்றால் அலங்கரிக்கப்பட்டு பிரகாரத்தின் நுழைவு வாயிலின் மேலே இந்திரன் பொம்மை கட்டப்பட்டு அதன் எதிரே அமையப்பெற்ற கண்ணாடியில் இந்திரனின் முகத்தை பிரதிபலிக்க செய்து அந்த இந்திரனின் முகத்தை பக்தர்கள் பார்த்து வணங்கிய பின் ஸ்ரீதியாகராஜ சுவாமியை வழிபட்டனர்.