H. Lalrinawma(Mârina) - 'Chatuan khawvarna ram'

He ka hringnun Zinkawngah hian thil tamtak ka tawng ve a,
Hringnunin min pek ve theih hlimna tawi leh famkim lo em em te hi ṭah hmahruai mai a ni ṭhin..
Phul pangpar anga vullainî reilo,
Chhum reilote lo langa ral leh ang mai,
Hlimthla ang maia thlawkbo leh mai ṭhin lei nun hi lunghnur takin ka vuiliam fo mai..
Retheihna, Fahrah nun leh tlakchham vanga rumnate...
Hmangaihtu reng neilo nia in hriatnate hi ka silhfen a ni reng ṭhin..
Hengte hi zir loh theih loh zirlai an ni a..
He chawlhna awmlo hringnunah hian Lalpa leh Angelte lenna ram..Chatuan khawvarna ram chu ka ngai em em nitin mai ṭhin a ni...

Kum 2001 kha kum khawhar tak a ni..
Ka hlimna neih ve chhunte khan thlangtlai min liamsan a..
Keimahin Khawvel khawhar kha ka hrut a..
Lalpa auvin ka rum vawng vawng mai..
Mahse kha kum kha He hla lo pian chhuah nana kum pawimawh a lo ni ta si a..
October thla hun lunglenthlak hnuaiah ngei khan ...he hla Lalpa puihnain hi ka phuah ve a..
Ka ngaihlu ve em em a sin...
Min lo hlutpui ve dawn lawmni..??

- Mârina Hauhnar