Скачать или смотреть Ақтөбе облысындағы Шалқар көлі экологиялық апаттың сәл-ақ алдында тұр

Ақтөбе облысындағы Шалқар көлі экологиялық апаттың сәл-ақ алдында тұр. Суы тартылып қалған қойманың түбін тазарту үшін республикалық бюджеттен 2 миллиард 500 миллион теңге бөлінген. Бірақ қаржының игерілуі мен сапасына қатысты сұрақ көп деді ауданға арнайы іссапармен барған облыс әкімі Ералы Тоғжанов. Өңір басшысы аудан билігін тағы не себепті сынға алды, кімдерге қатаң сөгіс жарияланды? Әріптесім айтып береді.
Ералы Тоғжанов іссапар барысында бірқатар әлеуметтік нысандарға арнайы атбасын бұрды. Мәселен, 115 жылдық тарихы бар, өңірдегі ең ескі мектепке аялдап, оқушылармен тілдесіп отыр. Өйткені оқу орны оқушылар үшін тым тар. Сондықтан қазір 320 орындық жаңа мектеп бой көтеріп жатыр.
ӘЛИЯ ӘБДІҒАПАРОВА, №5 мектеп-лицейінің директоры:
— Негізі бізде қазір үш ауысымды мектеп. Мыңда он сегіз оқушы біліп алуда. Енді мына салынып жатырған жаңа мектебізді күтеміз. Үлкен үмітпенен.
Облыс әкімі «Шалқар-Бозой-Өзбекстан шекарасы» автожолындағы құрылыс барысымен танысты. Мұндағы жаңғырту жұмыстары 2018 жылы басталған. Мердігерлер Ералы Тоғжановқа қысқы уақытта материалдарды сатып алып, дайындық жүргізу үшін алдын ала 500 миллион теңге қаржы бөлуді сұрап отыр. Айтуларынша, бұл сапаға кері әсерін тигізбейді, бірақ жобаны жүзеге асыруды тездетеді екен.
МҰРАТ ҚОБЫЛАНДЫ, мердігер компанияның директоры:
— Жолдың ұзындығы 15 километр. ОСы күнге дейін 13 километрі толық бітіп тұр. Енді екі километрі қалды. Қазір амандық болса октябрьдің он бесіне дейін бітіруге тырысып жатырмыз.
Сондай-ақ, аймақ басшысы жер қойнауын пайдаланушы компаниялардың өкілдерімен кездесті. Себебі Шалқар көлі тартылып, тереңдігі 15 метрден бес метрге түсіп қалған. Суы саяз көлде шамамен үш миллион текше метр лай мен балшық жиналыпты. Бұл тікелей құрылысқа қажетті тасты жөн-жосықсыз өндірумен байланысты екен.
ЕРАЛЫ ТОҒЖАНОВ, Ақтөбе облысының әкімі:
— Ауыл тұрғындарына шұғыл қол ұшын созуымыз қажет. Ел ақсақалдары да соны талап етіп отыр. Сіздер осында жұмыс істейсіздер және ауылға, бүкіл ауданға әлеуметтік бастамаларды әзірлеуге және жүзеге асыруға көмектесуіңіз керек. Бұл талап барлық жер қойнауын пайдаланушыларға қатысты.
Сонымен сынға іліккен кәсіпорындар қиыршық тас карьерлерінің жанында орналасқан елдімекендерді абаттандыруға міндеттелді.
.
.
.
.
Бізді әлеуметтік желіде оқыңыздар:
Youtube -   / @informburo31kanal  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар