Скачать или смотреть តួនាទីអក្សរសិល្ប៍ខេមរនិយម គឺឆ្លុះឱ្យឃើញពីតថភាពក្នុងសង្គមខ្មែរ។ តើឃ្លានេះមានន័យដូចម្ដេច?

ប្រធានបទ៖ តួនាទីអក្សរសិល្ប៍ខេមរនិយម គឺឆ្លុះឱ្យឃើញពីតថភាពក្នុងសង្គមខ្មែរ។ តើឃ្លានេះមានន័យដូចម្ដេច? ចូរពន្យល់ឃ្លាខាងលើ ដោយលើកយកឧទាហរណ៍មកបញ្ជាក់ឱ្យបានក្បោះក្បាយ។
គម្រោងតែងលម្អិត
ក.សេចក្តីផ្តើម
១. លំនាំបញ្ហា៖ និយាយទាក់ទងនឹងប្រធានបទ (តាមទ្រឹស្ដីអក្សរសិល្ប៍បានបញ្ជាក់ថា អក្សរសិល្ប៍មានភារកិច្ចយ៉ាងសំខាន់គឺឆ្លុះបង្ហាញលាតត្រដាងអំពីតថភាពសង្គមមនុស្ស ហើយការសិក្សាពីអក្សរសិល្ប៍គឹជាការសិក្សាពីមនុស្សនឹងដើម្បីមនុស្ស។ អក្សរសិល្ប៍ខ្មែរមានបីប្រភេទ និងបួនចលនាគឺប្រភេទអក្សរសិល្ប៍ប្រជាប្រិយ ប្រភេទអក្សរសិល្ប៍បូរាណ និងអក្សរសិល្ប៍ទំនើប ចលនាអក្សរសិល្ប៍ខេមរនិយម ព្រាហ្មណ៍និយម ពុទ្ធនិយម និងបរទេសនិយម។ ដោយឡែកអក្សរសិល្ប៍ស្ថិតក្នុងចលនាខេមរនិយម ឬខ្មែរនិយមជាស្នាដៃដែលបានបង្ហាញពីអ្វីៗជារបស់មនុស្សខ្មែរទៅតាមសម័យកាលនីមួយៗទៅតាមដំណាក់កាលនៃប្រវត្តិសាស្រ្ត។ អាស្រ័យហេតុនេះហើយទើបមានទស្សនៈមួយបានលើកឡើងថា «តួនាទីអក្សរសិល្ប៍ខេមរនិយម គឺឆ្លុះឱ្យឃើញពីតថភាពក្នុងសង្គមខ្មែរ»។)

២.ចំណូលបញ្ហា៖ អាស្រ័យហេតុដូចនេះហើយទើបមានឃ្លាមួយបង្ហាញថា” តួនាទីអក្សរសិល្ប៍ខេមរនិយម គឺឆ្លុះបញ្ចាំងពីតថភាពក្នុងសង្គម។
៣.ចំណោទបញ្ហា៖ ចោទតាមបែបប្រធានពន្យល់(តើទស្សនៈប្រធានខាងលើមានអត្ថន័យដូចម្ដេចខ្លះ?)