Скачать или смотреть Midahalo wilayani Misungwi yaibua mambo ya kushangaza

Shirika la kueteta haki za wasichana na wanawake KIVULINI limeendelea kushirikiana na Halmashauri ya Wilaya Misungwi mkoani Mwanza kutekeleza kwa vitendo mpango kazi wa kitaifa wa kutokomeza ukatili wa kijinsia dhidi ya wanawake na watoto (MTAKUWWA) kupitia kampeni/ midahalo ya wazi ili kutoa elimu kwa jamii kuachana na aina zote za ukatili wa kijinsia.

Awamu ya pili ya kampeni hiyo ilizinduliwa Oktoba 16, 2019 katika Kata ya Koromije na kufuatiwa na Kata nyingine ikiwemo Usagara, Mbarika pamoja na Buhingo ambapo elimu inatolewa kwa wanajamii kutojihusisha na vitendo vya ukatili wa kijinsia, kuviripoti wanapovishuhudia katika ngazi husika ikiwemo Serikali ya Kijiji, kusomesha watoto wa kike na wa kiume pamoja na wanandoa kushirikiana kwenye shughuli za maendeleo ikiwemo ujenzi wa nyumba bora baada ya mavuno.

Hata hivyo katika midahalo iliyofanyika kupitia kampeni ya awamu hii ya pili, suala la ukosefu wa maadili kwa wanafunzi limezungumzwa zaidi ambapo wazazi, walezi pamoja na mamlaka za Serikali wamehimizwa kushirikiana ili kuokoa baadhi ya wanafunzi wasio waadilifu hususani wanafunzi wa kike ambao wanajiingia kwenye vitendo vya mapenzi na mbaya zaidi kusagana wenyewe kwa wenyewe.