Скачать или смотреть હાલારમાં અઢી ઇંચ જેટલો વાવણીલાયક વરસાદ

જામનગર શહેર-જિલ્લામાં વરસાદી માહોલ જામતો જઇ રહયો છે. જામનગર જિલ્લાના જોડિયામાં પોણા બે ઇંચ, ધ્રોલમાં સવા ઇંચ તથા જામનગર, કાલાવડ, જામજોધપુર અને લાલપુરમાં 1-1 ઇંચ વરસાદથી વાતાવરણમાં ઠંડક પ્રસરી છે. જામનગરમાં આજે પણ સવારથી વાદળછાયું વાતાવરણ જોવા મળ્યું હતું જેથી શહેરીજનોને ગરમીમાંથી આંશિક રાહત મળી હતી. જામનગરની સાથે-સાથે દેવભૂમિ દ્વારકા જિલ્લામાં પણ વરસાદી માહોલ જોવા મળ્યો હતો. દેવભૂમિ દ્વારકા જિલ્લામાં છેલ્લા બે દિવસથી મેઘરાજાનો મુકામ રહ્યો છે. ગઈકાલે સોમવારે દિવસ દરમિયાન સર્જાયેલા વરસાદી માહોલ વચ્ચે સાંજે જુદા જુદા તાલુકાઓમાં ધીમીધારે મેઘરાજાએ હેત વરસાવ્યું હતું. જેમાં સૌથી વધુ કલ્યાણપુર તાલુકામાં અઢી ઈંચ (67 મી.મી.), દ્વારકા તાલુકામાં બે ઈંચ (50 મી.મી.), ભાણવડ તાલુકામાં પોણા બે ઈંચ (44 મી.મી.) અને ખંભાળિયામાં એક ઈંચ (24 મી.મી.) વરસાદ છેલ્લા 24 કલાકનો નોંધાયો છે.