Скачать или смотреть షాద్ నగర్ పట్టణంలో బస్తీ దవాఖానను ప్రారంభించిన ఎమ్మెల్యే వీర్లపల్లి శంకర్||

పట్టణంలోని కాలనీలోని 20వ వార్డు (పాత గంజి) లో బస్తీ దవాఖానాను ఎమ్మెల్యే వీర్లపల్లి శంకర్ మంగళవారం రంగారెడ్డి జిల్లా వైద్యాధికారి కే లలితాదేవి తో కలిసి ప్రారంభించారు.ఈ కార్యక్రమంలో డిప్యూటీ డిఎం అండ్ హెచ్ ఓ విజయలక్ష్మి,హెల్త్ ఎడ్యుకేటర్ శ్రీనివాస్, డిపిఓ అక్రమ్, సీసీ సురేష్,డాక్టర్ స్రవంతి చించోడు,డాక్టర్ దామోదర్,
ఏఎన్ఎం,ఆశ వర్కర్లు పాల్గొన్నారు. ఎమ్మెల్యే మాట్లాడుతూ ప్రభుత్వ ఆసుపత్రులను ప్రైవేటు దవాఖానాలకు దీటుగా తీర్చిదిద్ది అన్ని రకాల వైద్య సేవలు అందుబాటులోకి తీసుకొస్తున్నామని సర్కారు దవాఖానాల్లో సదుపాయాలు కల్పించడంతో పాటు బస్తీ దవాఖానాలు ఏర్పాటు చేసి డాక్టర్లు, వైద్య సిబ్బందిని నియమించి పేదలకు కార్పొరేట్ స్థాయిలో వైద్యం అందేలా చర్యలు తీసకుంటున్నట్లు తెలిపారు. మా ప్రభుత్వ ముఖ్యంగా వైద్యం,విద్య ఈ రెండిటికి మొదటి ప్రాధాన్యత ఇస్తుందని కార్పొరేట్ ఆసుపత్రిలో వైద్యం చేయించుకొని అప్పుల పాలు అవుతున్నారని అందుకే పేద ప్రజలను దృష్టిలో ఉంచుకుని పట్టణ ప్రాంతాల్లో బస్తీ దవఖానాలు ఏర్పాటు చేస్తున్నట్లు తెలియజేశారు.ఈ కార్యక్రమంలో కాంగ్రెస్ పార్టీ పట్టణ అధ్యక్షులు కొంకల చెన్నయ్య ముదిరాజ్, మార్కెట్ కమిటీ వైస్ చైర్మన్ బాబర్ అలీ ఖాన్, షాద్నగర్ మాజీ మున్సిపల్ చైర్మన్ విశ్వం, కాంగ్రెస్ సీనియర్ నాయకులు చెంది తిరుపతిరెడ్డి, ఫరూక్నగర్ మండల్ బ్లాక్ కాంగ్రెస్ అధ్యక్షులు చల్ల శ్రీకాంత్ రెడ్డి, కాంగ్రెస్ సీనియర్ నాయకులు అగనూరి బస్వం,ముబారక్ అలీ, ఖాదర్ తదితరులు పాల్గొన్నారు.