පාරින්ද්‍යා ❤️ PARINDYA ❤️ 16 වෙනි කොටස ❤️ EPISODE 16❤️

අවසරයකින් තොරව මෙහි ඇති video clip ලබාගැනීම හා වෙනත් තැනක post කිරීම සපුරා තහනම්

ශොප් එකේ වැඩ සුපුරුදු පරිදි ගෙවී ගියේ වැඩ ඉවර වෙන  වෙලාව ලන් වෙමින්.ඇත්තටම ආදිත්‍ය මිනෝලි පැමිණි නිසා පාරින්ද්‍යා ගේ හිතේ යම් කලබලකාරී ගතියක් තිබුණත් හවස් වෙද්දී සාමාන්‍ය විදියට පාරින්ද්‍යා වැඩ ටික කරගෙන ගියේ. වැඩ ඉවර වුණු පාරින්ද්‍යා හා නර්මදා ශොප් එකෙන් එළියට ආවේ කාවින්ද ඔවුන්ව ගෙදර ඇරලවන්න ඇවිත් තියන නිසා.
ආ නංගී හෙට මන් වැඩට එන්නේ නෑ..

අනේ ඇයි අක්කේ එකපාරටම එන්නේ නැත්තේ ?.

හෙට අම්මාගේ මෙඩිකල් රිපෝට්ස් වගයක් පෙන්වන්න යන්න තියනවා නංගී.උදේ යන්න ඕනා ඒ හින්දා හෙට එන්න වෙන් නෑ..

නර්මදා ගේ අම්මා හාට් පේශන් කෙනෙක් ඉතින් නර්මදාට ඉන්නේ එයාගේ අම්මා විතරයි නර්මදා එයාගේ අම්මාවත් බලාගෙන තමයි මේ ජොබ් එක කරන්නේ. ඒත් ඇත්තටම පාරින්ද්‍යාට නම් හෙට නර්මදා පැමිණෙන් නැති එක පාරින්ද්‍යාට හෙට වැඩ කරගෙන යන්නත් අකමැත්තක් දැනුනේ.මොකද පාරින්ද්‍යා අදුරන හිතවත් කෙනෙක්ට කියලා මේ ශොප් එකේ ඉන්නේ නර්මදා විතරක් හින්දා.

හ්ම්ම් හරි හරි එහෙනම් පරිස්සමින් ගිහින් එන්නකෝ.

මන් හෙට නැති වුණාට ඔයා අනිද්දා එන්නේ නෑ නේද නංගී අප්පච්චිගේ දානේ හින්දා..

නර්මදා එහෙම කියද්දී පාරින්ද්‍යා කල්පනා කලේ පාරින්ද්‍යා ඇවිත් වැඩි කාලෙකුත් නැති හින්දා සදෙව් පාරින්ද්‍යා ට නිවාඩු දෙයිද කියලා.

මොකද මනෝ ගහලා සර්ව මතක් වුනාද ?

නෑ මන් කල්පනා කලේ ඇවිල්ලා වැඩි දවසකුත් නැති එකේ මට නිවාඩු දෙයිද කියලා .

අයියෝ මොකද නැත්තේ අනේ සදෙව් හෙට අප්පච්චිගේ දානෙට නිවාඩුවක් දෙන්නකෝ ප්ලීස් කිව්වම සර් නිවාඩු දෙයි..

කට උල් කරමින් පාරින්ද්‍යා විලාසයටම නර්මදා එහෙම කියද්දී පාරින්ද්‍යා විහිළුවට නර්මදාගේ අතට ගැහුවේ.

අනේ විකාර කියන්න එපා අක්කේ..ඒක නෙමෙයි අක්කේ ත්‍රීවිල් එකට නැගපු ගමන් එහෙම ආදිත්‍ය ආපු කතාව අයියට එහෙම කියන්න එපා.නැත්තං අයියා එහෙම්මම ආදිත්‍ය වයි මිනෝලිවයි හොයාගෙන යයි..

නෑ නෑ ඒක ඔයාගේ ප්‍රශ්නයක් නේ ඔයාම හිමීට කියන්න..

නර්මදා එහෙම කියන ගමන් ගිහින් පාරින්ද්‍යා සමග ත්‍රීවිල් එකට නැග්ගේ කාවින්ද බලාගෙන හිටියේ පාරින්ද්‍යා හා නර්මදා ශොප් එකේ ඉදන් එන ගමන් කතා කර කර එන ආකාරය

මොනවද දෙන්නා ඈතට වෙලා හොරෙන් කතා කලේ ?

මොනවත් නෑ අයියේ .හෙට නර්මදා අක්කා එන්නේ නෑලු.මට පාලුයි ඒකයි කිව්වේ.

ආහ් නර්මදා හෙට කීයටද ඩොක්ටර් ළගට අම්මව එක්කගෙන යන්න තියෙන්නේ ?

එකොළහ විතර වෙද්දී  යමු පේශන්ලා ගොඩ දෙනෙක් ඩොක්ටර් ව චැනල් කරලා හින්දා කලින්ම යන එක හොදයි.අනික නුවර ඉදන් කොළඹ යන්නත් වෙලාව යයි ට්‍රැෆික් හින්දා..

මන් එක්ක යන්න එන්නම් ලෑස්ති වෙලා ඉන්න.

ඕනේ නෑ කාවින්ද අපි වෙන ටැක්සි එකක යන්නම් ඔයාට හාස්වෙයාර් එකේ වැඩයි අනිද්දා තියන අප්පච්චිගේ දානේ වැඩයි ඔක්කොම තියනවත් නේ.

ඕනේ නෑ අක්කේ අයියව එක්කගෙන යන්න.අනික නැන්දම්මාගෙන් ලකුණු ටිකක් බෑණට වැටෙන්න එපැයි.

ඒක ගැන නම් මොකට කියනවද ?.අම්මා ඉස්සරහ මට හරි ආදරෙයි වගේ ඉන්නේ අම්මා ළග නැතිවුනාම තමයි මෙයාගේ ලොකුකම

ඒක නෙමෙයි චූටි මන් නර්මදා එක්ක ගියාම ඔයා හෙට ගෙදර එන්නේ කොහොමද ?.

අනේ ඒකට මොකද අයියේ එක දවසයිනේ.මන් බස් එකේ එන්නම්.

ඇත්තටම චූටි පුළුවන් ද පරිස්සමින් යන්න නැත්තං හෙට ටැක්සි එකක් දාගෙන ගෙදර යන්න.

අනේ මට පුලුවන් අයියේ.

කාවින්ද නර්මදාව ගෙදරින් බස්සලා පාරින්ද්‍යා එක්ක ගෙදර ආවේ.ඇත්තටම පාරින්ද්‍යා තවමත් කිව්වේ නෑ අද ශොප් එකට ආදිත්‍ය හා මිනෝලි ආවා කියලා පාරින්ද්‍යා ඒක රහසක් විදියට තියාගන්න හිතුවේ අනවශ්‍ය විදියට ඒ ගැන අයියට කියලා කලබල කරන්න පාරින්ද්‍යා අකමති වුනේ..

පසුදින උදෑසනම පාරින්ද්‍යා අවදි වුණේ පහයි තිහට තියපු ෆෝන් එකේ අලාම් එකේ සද්දෙට.කෙල්ල උදේ අවදි වෙද්දිත් හොදටම වැස්ස කෙල්ල ජනේලේ විවර කරලා අහස දිහා බැලුවේ කම්මැලිකමින්.අද නර්මදා වැඩට නොඑන නිසා කම්මැලිකමින් පාරින්ද්‍යා වැඩට යන්න ලෑස්ති වුණේ....වැඩට යන්න ලෑස්ති වෙලා ඇදුමත් ඇදගෙන ඇද මත නිදාගෙන ඉන්න පුංච් දියණිය සිපගෙන කාමරයෙන් එළියට ආවේ කුඩයකුත් බෑග් එකට දමාගෙන.

  අම්මේ මන් යන්න හදන්නේ.

අම්මයි කාවින්දයි කුස්සියට වෙලා ඉද්දී පාරින්ද්‍යා අම්මා ළගට ගොස් අම්මට වැදලා එහෙම කිව්වේ..

බුදුසරණයි පුතේ පරිස්සමින් යන්න.

චූටි පරිස්සමින් යනවා රෑ වුනොත් ටැක්සි එකක එනවා.මන් එද්දී රෑ වෙයි

උදෑසන ආහාර ගනිමින් ඉන්න කාවින්ද  එහෙම කිව්වේ පාරින්ද්‍යා දෙසට හැරිලා..

හරි හරි මන් ගොඩක් රෑ වුනොත් ටැක්සි එකක එන්නම්කෝ..

වැහි අදුර හරියට..කොයිවෙලේ වැස්සක් කඩාපාත් වෙයිද දන්නේ නෑ කෝකටත් පුතේ කුඩයක් අරගෙන යන්න.

කුඩයක් ගත්තා අම්මේ.අම්මේ මන් යනවා.. අයියේ මන් යනවා..

පාරින්ද්‍යා එසේ කියමින් අනික් පස හැරෙද්දීම පාරින්ද්‍යාගේ කකුල අනික් පසට පෙරලුනේ කෙටි පඩියකින්  බිමට වැටෙමින්..

දෙයියනේ පුතේ පොඩ්ඩක් ඉදලා යන්න ගමනක් යද්දී කකුල පෙරලෙන එක අසුබයි.

පුංචි දේකට පවා ඕනාවට වඩා කලබල වෙන පාරින්ද්‍යාගේ අම්මා එහෙම කිව්වේ පාරින්ද්‍යාගේ පෙරලුනු කකුල අතගාමින්.ඒත්  දැනටමත් කෙල්ල වැඩට යන්න පරක්කු වෙලයි හිටියේ.තවත් පරක්කු වුනොත් සදුනිගෙන් බැනුම් අහන්න වෙන බව කෙල්ල දන්න හින්දම කෙල්ල කකුලේ වේදනාවක් දැනෙන් නැති විදියට හිටියේ ..

අනේ මට රිදෙන් නෑ අම්මේ.අනික දැනටමත් මන් හොදටම පරක්කුයි.මන් යන්නම්.හෙට අප්පච්චිගේ දානෙට නිවාඩුවක් ගන්නත් ඕනා එකේ පරක්කු වෙන එක හරි නෑ අම්මේ.

පාරින්ද්‍යාගේ අම්මා තවත් වචනයක්වත් කියන්න කලින්ම පාරින්ද්‍යා නිවසින් ආවේ.පාරින්ද්‍යා ඉක්මනින් බස් එකෙන් ශොප් එකට ළගට එද්දී වෙලාව උදේ අටයි දහයයි.දැනටමත් පාරින්ද්‍යා විනාඩි දහයක් පරක්කුයි .