สัตการสราญนาคินทร์【 วิทยาลัยนาฏศิลปกาฬสินธุ์ 】

สัตการสราญนาคินทร์ l วิทยาลัยนาฏศิลปกาฬสินธุ์
ขับร้อง : อ๊อฟ สุรพล , ศุภกิจ , สุมินทรา
คำร้อง : เกรียงเดช ผลทวี
เรียงเรียงดนตรี : คีตะอีสาน
-------------------------------------------------------------------------------------------------
**เนื้อเพลง**

เทื่อนี้…จักกล่าวเรื่องทศชาติชาดก
ยกยอมาจาระไนไขต้าน…
กล่าวแถลงบั้นภูริทัตนาคราช
งามโอภาสเพริศแพร้วคือแก้วฮุ่งใส ท่านเอย…
กาลนี้ได้เนาว์อยู่บำเพ็ญศีล
คอยถวิลเพียรพจน์พระปัญญาส่องแจ้ง…
ขอสั่งเอิ้นมิ่งเมียนางนาฏปรนนิบัติ
เฟียข้างเฮียงเจ้าอยู่ดอม นี่แล้ว…
กาลนี้แหล่ว…จอมแจ่มเจ้าองค์เอกนาคา…ว่าสิไปเพ็ญเพียรแห่งเมืองมนุษย์โลก…
ให้อ่อนน้อยนำเครื่องบรรณาการ…
บุษบันมาลา…มโหรีเค็งคื่น…

(เพลง)
นงค์นางนาคนวลเนื้อน้อยอ่อน
ซอนลอนเลียนหลั่งล่ายลีลา
ตกแต่งตั้งเตรียมเต้าบุปผา
บุษบาบานเบยเชยหอม

กลิ่นหอมเหยฮิ่นโฮยเฮ้าฮ่วน
งามบรบวนครบถ้วนแล้วละเหวย
ทูลถวยไท้ดอมดมชมเชย
นางกะเลยดาดีเอ้แต่ง

ปุนแปงน้อมพร้อมพร่ำนำถวาย
จัดเกียมไว้ดุริยางค์ดังม่วน
สรรพเสียงซ้องส่งเส็งเสพส่วน
มโหรีส้วนนวลหูอยู่บ่วาย

อออ้อนอีออเสียงซอมาคลอเคล้า
แคนไค้เป่าดังก้องกังวาลไกล
พิณพาทย์พร้อมดีดดอมเกลี้ยกล่อมใจ
ขลุ่ยเสียงใสบรรเลงลายเสนาะล้ำ

ว่าลำนำขับขาน……ดั่งม่านเสียง ……
เฮียงโฮมฮ้อยสำเนียง…..เสียงหวานแว่ว
ดังให้ใสจั่งแก้ว ….มณีค่า ….
ซ้องยินตุริยาง……ประโลมงัน
เสียงซื่นซ้อยเสกสรรค์ …. ดั่งพรรณนาว่ายิน
จรรโลงซ้องธานิน นาฏนางนาคินี……