Скачать или смотреть O‘simliklarning suv tanqisligini aniqlash (I. Chatskiy metodi)

Tabiiy sharoitda barglarning suv bilan to‘liq to‘yinganligi deyarli sodir bo‘lmaydi. Tuproq tarkibida yoki havodagi namlikning yetishmasligi va transpiratsiya intensivligining oshishi tufayli o‘simliklarda suv almashinuv jarayonini izdan chiqishiga olib keladi. To‘qimalar tarkibidagi suv miqdorining 10% dan kam bo‘lgan suv tanqisligi odatiy holdir va o‘simlikka zarar yetkazmaydi. Lekin 25% va undan yuqori darajaga yetganda to‘qimalar tarkibidagi suv miqdorining kamayishi hujayradagi biokolloidlarning holatiga ta’sir ko‘rsatib, protoplast strukturasining buzilishi, fermentlar tizimi faolligini o‘zgarishiga, og‘izchalarning yopilishiga, barglarning so‘lishiga, o‘sishning pasayishiga, energiya almashinuvi va hujayralarning sintetik faolligining buzilishiga olib keladi.