Скачать или смотреть @Newsclickgujarat દિવંગત મોરારજી દેસાઈ ને ગૃહરક્ષક દળના ભીષ્મપિતામહ માનવામાં આવે છે.

નમસ્કાર દર્શકો…
આજે આપણે વાત કરીએ છીએ ભારતના ગૃહરક્ષક દળના ઇતિહાસ વિશે.

6 ડિસેમ્બર 1947ના રોજ, બૃહદ મુંબઈ રાજ્યમાં, તે સમયના ગૃહમંત્રી દિવંગત મોરારજીભાઈ દેસાઈ દ્વારા ભારતના ગૃહરક્ષક દળની સ્થાપના કરવામાં આવી. દળના આધ્યસ્તાપક તરીકે તેમને ગૃહરક્ષક દળના ભીષ્મપિતામહ માનવામાં આવે છે.

1 મે 1960, ગુજરાત રાજ્યની રચના પહેલાંથી જ આ દળ સેવા આપવા લાગ્યું હતું. રાજ્યના સૌથી પ્રથમ માનદ કમાન્ડન્ટ જનરલ તરીકે શ્રી ઉદયન ચીનુભાઈ બેરોનેટની નિમણૂંક કરવામાં આવી. તેઓ નિરભિમાની, રમતવીર અને નિપુણ નિશાનબાજ તરીકે જાણીતા હતા. 1960થી 1987 સુધી તેમણે આ મહત્વની જવાબદારી નિભાવી.

આ બાદ, 1987થી કમાન્ડન્ટ જનરલનું પદ I.P.S અધિકારીઓમાંથી ભરવાની પરંપરા શરૂ થઈ, જેમાં સૌપ્રથમ શ્રી શિવલાલ સાહેબની નિમણૂંક કરાઈ.

ગુજરાત રાજ્યની સ્થાપના સમયે આ દળનું સંખ્યાબળ માત્ર 1850 હતું. પરંતુ સતત વધારો થતો ગયો અને હાલ 38,664 હોમગાર્ડઝ તથા 2,832 બોર્ડર વિંગ મળી કુલ 41,496 જવાનો માનદ સેવા આપી રહ્યા છે. માત્ર 2012માં જ 6,268 નવી ભરતી કરવામાં આવી.

દેશની આંતરિક સુરક્ષામાં હોમગાર્ડઝની કામગીરીની કદરરૂપે, હાલમાં પાલનપુર તથા ભુજ સ્થિત બોર્ડરવિંગની બે બટાલિયન આંતરરાષ્ટ્રીય સરહદે BSF અને લશ્કર સાથે ફરજ બજાવી રહી છે.

હોમગાર્ડઝ દળમાં માનદ અધિકારી તરીકે માત્ર સમાજમાં સારો મોભો અને પ્રતિષ્ઠા ધરાવતા વ્યક્તિઓને જ સ્થાન આપવામાં આવે છે.