Скачать или смотреть អតីតតារាភាពយន្ត លី ឆេង ស្លាប់ក្នុងផ្ទះតែឯងយ៉ាងអាថ៌កំបាំង

ក្នុងទសវត្ស៦០ និង៧០ លី ឆេង ជាតារាភាពយន្តដ៏ល្បីល្បាញមួយដួង ប្រចាំក្រុមហ៊ុនភាពយន្ត Shaw Brothers។
ខ្សែភាពយន្តជាច្រើនរបស់នាងកញ្ញា លី ឆេង បានបង្ហាញវត្ថមានលើផ្ទាំងសំពត់ស ក្នុងរាជាណាចក្រកម្ពុជា តាំងពីពាក់កណ្តាលទសវត្ស៦០ ជាមួយនិងការសម្តែងដ៏រស់រវើករបស់នាង ដូចជាក្នុងខ្សែភាពយន្តរឿង ស៊ូហ្សាណា , ថ្ងៃណាបងចូលផ្ទះ , ស្តេចឥន្រ្ទីមាស , បឹងសុបិន , កក្រើកដីរំជួយមហាមេឃ , អាគារខាងលិច , នាងវិមានចន្ទ ជាដើម។
ចុងសម័យសង្គមរាស្រ្តនិយម តារាភាពយន្ត លី ឆេង ធ្លាប់បានមកទស្សនកិច្ចនៅប្រទេសកម្ពុជា និងបានចូលរួមក្នុងមហោស្រពភាពយន្តអន្តរជាតិលើកទី២ នាសាលព្រះសុរាម្រិត។
ក្នុងទសវត្ស៧០ គេបានប្រដូចតារា វិជ្ជរ៉ាដានី នៃយើង ទៅនិងតារា លី ឆេង ទាំងសម្រស់ និងការសម្តែង។
លី ឆេង បានកសាងកេរ្តិ៍នាមល្បីល្បាញនិងអស្ចារ្យណាស់ឈរលើលំដាប់អន្តរជាតិ តែជីវិតស្នេហា និងគ្រួសាររបស់នាងមិនបានជោគជ័យឡើយ រហូតនាងសម្រេចចិត្តឈប់បង្ហាញវត្ថមានលើផ្ទាំងសំពត់សនៃខ្សែភាពយន្តនៅឆ្នាំ១៩៧៩។
ម្តងមួយកាល មហាជនបានឃើញវត្ថមានរបស់អតីតតារា លី ឆេង តាមកញ្ចក់ទូរទស្សន៍ និងទីសាធារណៈ ក្នុងជីវភាពដ៏ស៊ីវិល័យរបស់នាង។
ជាអកុសល ថ្ងៃទី២២ ខែកុម្ភៈ ឆ្នាំ២០១៨ គេបានឃើញសាកសពរបស់លោកស្រី លី ឆេង បានទទួលមរណភាពដោយអត្តឃាតនៅក្នុងគេហដ្ឋានតែម្នាក់ឯង។