Скачать или смотреть شيلة انت عنزي كلمات عابد القحطاني أداء فهد العيباني وخالد الشليه انت ولدي وانت سعدي

أرحبي يالفكره العذراء على فال الكرامه
القريحه حضرت والفال فال عيال وايل

ابرقي ثم ارعدي ياجعل تقفاك الملامه
بالبيوت اللي صداها يحرق كروت الجزايل

دارت الايام واللي راح تقفاه السلامه
واقبل العيد السعيد اللي تحراه القبايل

ليلة ٍ من طيب راعيها تقييم من مقامه
نورها يسرق شعاع الشمس لاقام ايتمايل

السحاب مغيمه والبدر ضافي في تمامه
والبراد ايهب ذعذاعه ويجري بالمخايل

والولد يلعب بسيف العز من طيب وقرامه
والجموع تصف للعرضه وتعرض بالسلايل

ليلة اللي ما تعلت هامته غير العمامه
ولاينزلها سوا فرض الصلاة من الطوايل

خالد حزام الخوي لادار به وقته وضامه
ذخره اليا شاف في عين المقابيل الهوايل

وجه شلخان السعد يوم السعد لاهل الزعامه
صرحها اللي للحمول الكايده قاوي وشايل

والله ان خالد معلي هامتي عن كل هامه
اتنومس كلما يذكر واطاول كل طايل

النعم معطيه من بد البشر جل اهتمامه
والجزايل من كبر قدره على مدحه قلايل

لا وفيته كني ارد المطر صوب الغمامه
وان عجزت اسمه محط اعجاز في عين المثايل

انت ولدي وانت سعدي وانت الغنايم والغناه
وانت السند قبل وبعد ياراس مالي وسعدي

ياسِعد عيني والبنادم ماله اغلا من ضناه
وش عاد باقي تطمع ابه النفس مادمت ولدي

فعلك كساني بالفخر واسمك سما باسمي معاه
الين ماطاول حدود سهيل وحدود الجدي

لأنك عديم اشباه ياخالد وفارقك الاله
وحيدي وفعلك يقول انا على الأرض وحدي

الله يبيض وجه ابوك اللي مذريك بذراه
سلطان مدهال الطراقي راعي الكف الندي

جدك ابو ممدوح شيخ ٍ عز ربعه واقصراه
من طيب فعله خير خلق الله بفعله تقتدي

وافخر بجدك مطلق القحص وتباها في نباه
عزالله ان ذكره يجمل والنعم له سرمدي

خوالك القحص اسمهم لامر شد الانتباه
روس ٍ تروس الروس مافيهم جبان ولا ردي

عمامك الشلخان شلخان السعد روس الدهاه
فريس قوم ٍ تحمي البل وتحد المعتدي

دهامشه والدهمشي مايعلتيه الا سماه
الاسم سامي والفعول كبار والكف بردي

انت عنزي وعيال وايل لابتك
طاول وصول وجول وارفع هامتك
ياحيك وياحي بطن ٍ جابتك
كريم وسنافي وحر و وايلي

انت عنزي خلقت مملي بالفخر
على الردى عله وللطيبه ذخر
راسك عنيد وقدمه ايلين الصخر
واسمك على روس الخلايق معتلي

ربعك بني وايل عمى عين الردا
النعم يتبع ذكرهم صوت وصدا
وقعاتهم نوماس والناس شهدا
ياحض والله كل منهو وايلي

لطلب القصايد والشيلات #واتس_51648877
فهد العيباني افراح
عبدالله البرازي افراح
خالد الشليه افراح
شيلة ترحيبية 2026
شيلة ترحيب
شيلة زواج
شيلة معرس
شيلات ترحيبية2026
شيلة معرس2026
#شيلات_2026
#trending
#اكسبلور
#شيلات
#reels
#السعودية
#فهد_بن_فصلا
#فهد_العيباني
#عبدالله_البرازي
#شيلات_حماسيه
#جفران_بن_هضبان
#الكويت