Скачать или смотреть महापरिनिर्वाण दिनानिमित्त अनेक पुस्तकांची विक्री वैचारिक दर्शन. डॉ. बाबासाहेब आंबेडकर.

संपूर्ण पृथ्वीतलावरती डॉक्टर बाबासाहेब आंबेडकरांव्यतिरिक्त कोणालाही एवढ्या आत्मीयतेने आतून इतके वास्तव प्रेम मिळालेलं आपल्याला दिसत नाही. याचा प्रत्यक्ष उदाहरण जर आपल्याला बघायचं झालं. तर सहा डिसेंबर महापरिनिर्वाण दिन या दिवशी जवळपास प्रत्येक आंबेडकरी समुदायातील किमान एका घरातील एक व्यक्ती तरी चैत्यभूमी वरती येतो. आणि त्याला हे माहित आहे. त्याला हे माहित आहे की आज दर्शन मिळणार नाही. मात्र तो बाबासाहेबांना दर्शनात शोधत नाही. विचारांमध्ये शोधतो उभ आयुष्य कधी शाळेचा तोंड न पाहिलेली माणसं आपल्या मुलाबाळासाठी खांदा दुखेपर्यंत पिशव्या भरून भरून पुस्तके घेऊन जाताना दिसता. चैत्यभूमी हिच क्रांती भूमी,पुस्तक हाच प्रसाद, तोच बाबासाहेबांचा खरा विचार. आणि जो शिक्षण घेईल तो गुरगुरल्याशिवाय राहणार नाही. हा बाबासाहेबांचा विचार या चैत्यभूमीच्या वारीच्या माध्यमातून प्रत्येक अनुयायी म्हणजे वारकरीच हे स्वतःच्या या महान कृतीतून सिद्ध करतो. मी स्वतः मागील सात-आठ वर्षापासून या विचारांच्या वारीमध्ये सहभागी होते. लाखो लोक संपूर्ण देशभरातून येतात. पण कुठे भांडण नाही, कुठं देवदर्शनासारखी घुसा घुशी नाही. कारण बाबासाहेबांना मानणारा वर्ग हा धर्मांध नाही वैचारिक आहे. त्याला माहिती आहे. यात्रा करून दर्शन घेऊन पुण्य वगैरे भेटत नसतं. तर पुस्तक वाचून मस्तक सुधारत असतं आणि ते कुणापुढे नतमस्तक होत नसतं. हे येथून सिद्ध होतं. या महापरिनिर्वानाच्या एवढ्या कडाकाच्या थंडीमध्ये कुणाला थंडी वाजत नाही, गाव वाड्या वस्तीवरून आलेल्या माणसाला मुंबईसारख्या एवढ्या मोठ्या शहरांमध्ये त्याला कोणताच त्रास जाणवत नाही. जेवनाची कोणतीच काळजी त्याला नसते. अशी हि वारी आपण एकदा अनुभवायलाच पाहिजे.