Скачать или смотреть किती वाढ मिळणार? लिंक👇कमेंटमध्ये​

सरकारी कर्मचाऱ्यांसाठी आणि पेन्शनधारकांसाठी एक मोठी अपडेट समोर आली आहे. केंद्र सरकारने अखेर आठव्या वेतन आयोगाच्या टर्म्स ऑफ रेफरन्सला मान्यता दिली असून आयोगाची समिती अधिकृतपणे स्थापन करण्यात आली आहे. जानेवारी महिन्यात या आयोगाची घोषणा करण्यात आली होती, मात्र त्यानंतर शासन निर्णय घेण्यासाठी जवळपास दहा महिने लागले. त्यामुळे कर्मचाऱ्यांमध्ये नाराजी निर्माण झाली होती. आता अखेर सरकारने 3 नोव्हेंबर रोजी याला मंजुरी दिल्याने कर्मचाऱ्यांमध्ये समाधानाचं वातावरण आहे. (8th Pay Commission) आठव्या वेतन आयोगासाठी तीन सदस्यीय समिती स्थापन करण्यात आली आहे.

– न्यायमूर्ती रंजना प्रकाश देसाई या समितीच्या अध्यक्षा असतील.
– प्राध्यापक पुलक घोष हे अर्धवेळ सदस्य म्हणून काम पाहतील.
– पंकज जैन हे सचिव म्हणून कार्यरत राहतील.

या समितीने आपलं कामकाज सुरू केलं असून पुढील काही महिन्यांत अहवाल तयार करून तो केंद्र सरकारकडे सादर केला जाणार आहे. सरकारने या समितीला 18 महिन्यांची मुदत दिली आहे. वेतन आयोग लागू कधी होणार आणि किती वाढ मिळणार? :
प्रत्येक 10 वर्षांनी नवीन वेतन आयोग लागू करण्याची परंपरा आहे. सध्याचा सातवा वेतन आयोग 31 डिसेंबर 2025 रोजी संपणार आहे. त्यानंतर 1 जानेवारी 2026 पासून आठवा वेतन आयोग लागू होईल. मात्र, प्रत्यक्षात त्याचा आर्थिक लाभ 2027 मध्ये मिळेल अशी शक्यता आहे. (8th Pay Commission)

तज्ञांच्या अंदाजानुसार, सरकारी कर्मचाऱ्यांचे वेतन आणि पेन्शन 30 ते 34 टक्क्यांपर्यंत वाढ होण्याची शक्यता आहे. यासोबतच घरभाडे भत्ता (HRA), प्रवास भत्ता (TA) यासारखे भत्तेही वाढवले जाणार आहेत. काही नवीन भत्ते सुरू तर काही जुने बंद होण्याची शक्यता आहे. फिटमेंट फॅक्टर आणि पेन्शनधारकांबाबत स्पष्टता :
सातव्या वेतन आयोगात फिटमेंट फॅक्टर 2.57 एवढा होता. आता आठव्या वेतन आयोगात तो वाढून 2.86 इतका राहू शकतो. या वाढीमुळे कर्मचाऱ्यांच्या मूळ वेतनात मोठी वाढ होईल. (8th Pay Commission)

दरम्यान, आयोगाच्या टर्म्स ऑफ रेफरन्समध्ये पेन्शनधारकांचा उल्लेख नसल्याने कर्मचारी संघटनांनी नाराजी व्यक्त केली होती. मात्र केंद्रीय रेल्वेमंत्री अश्विनी वैष्णव यांनी स्पष्ट केलं आहे की, पेन्शनधारकांनाही आठव्या वेतन आयोगाचा लाभ मिळणार आहे.