Скачать или смотреть ചെമ്പരത്തി മാലകെട്ടി...... പരിയാനംപറ്റയിലേക്ക് വന്ന 'മാണിക്യവീണ' [ശ്രീ പരിയാനംപറ്റ ദേവീസ്തുതികൾ]

പാലക്കാട് ജില്ലയിലെ ഒരു പ്രസിദ്ധ ഭഗവതി ക്ഷേത്രമാണ് ശ്രീ പരിയാനമ്പററ ഭഗവതി ക്ഷേത്രം.

ക്ഷേത്ര ഐതിഹ്യം

ഉദ്ദേശം 1400 വർഷങ്ങൾക്കു മുൻപ് പരിയാനംപറ്റ മനയ്ക്കലെ ഒരു ബ്രാഹ്മണ ശ്രേഷ്ഠൻ ഭൃത്യനോടൊപ്പം മൂകാംബിക ക്ഷേത്രത്തിൽ പോയി ഭജന നടത്തുകയും ദേവിയുടെ അനുഗ്രഹം വാങ്ങുകയും, ശേക്ഷിച്ചകാലം നാട്ടിൽ വന്നു ഭജന നടത്താം എന്ന തീരുമാനത്തോടെ തിരിച്ചു പോരുകയുമാണുണ്ടായത്. യാത്രാമദ്ധ്യേ ഒരരുവിയുടെ തീരത്ത് ക്ഷീണം തീർക്കാനായി ഇരുന്ന ആ താപസ ശ്രേഷ്ഠൻ സ്വന്തം സാധനങ്ങളടങ്ങിയ ഭാണ്ടം തുറന്നു നോക്കിയപ്പോൾ ഒരു തിടമ്പ്കാണുകയും തപ:ശക്തിയാൽ കാര്യം ഗ്രഹിച്ച് ആ താപസ്വി തിടമ്പ് അവിടെതന്നെ പ്രതിഷ്ഠിക്കുവാൻ തീരുമാനിക്കുകയും ചെയ്തു. പഴയ വള്ളുവനാട്ടിലെ 14 ദേശക്കാരെയും വരുത്തി അന്നത്തെ ദേശപ്രമാണിമാരായ കൊല്ലം, നല്ലൂർ, പൊറ്റക്കാട് മൂത്ത പണിക്കന്മാരുടെ നേത്രുത്യത്തിൽ പ്രസിദ്ധമായ ഈക്കാട്ടു മനയ്ക്കലെ തന്ത്രിയുടെ കാർമ്മികത്വത്തിൽ പ്രതിഷ്ഠ നടത്തുകയും ചെയ്തു. പരിയാനമ്പറ്റ മനയ്ക്കലെ തിരുമേനി കൊണ്ടുവന്ന തിടമ്പായതിനാൽ പരിയാനമ്പറ്റ ഭഗവതി എന്നു നാമകരണം ചെയ്തു. അതു കൊണ്ടു തന്നെ ഭദ്രകാളി ക്ഷേത്രമാണെങ്കിലും ഇവിടെ മൂകാംബികാ സങ്കൽപ്പവും നിലനിൽക്കുന്നു. എല്ലാ വർഷവും കുംഭം 1 ന് കൊടിയേറി കുംഭം 7 ന് പൂരം ആഘോഷിക്കുന്ന ഉത്സവകാലത്ത് വലിയാറാട്ട് നാളിലെ മൂർത്തിയാട്ടം ഇവിടുത്തെ പ്രത്യേകതയാണ്. പകൽപ്പാന, പള്ളിപ്പാന തുടങ്ങിയ അനുഷ്ഠാനങ്ങൾക്ക് ഇവിടെ പ്രത്യേക പ്രാധാന്യം ഉണ്ട്. വിഷുവേല, ലക്ഷാർച്ചന, നവരാത്രി സംഗീതോത്സവം, ശ്രീമദ് ഭാഗവത സപ്താഹം, മണ്ഡലകാല താലപ്പൊലി തുടങ്ങിയ ആഘോഷങ്ങളും വിപുലമായി ആഘോഷിച്ചുവരുന്നു. പതിനാല് ദേശങ്ങളുടെ ഐശ്വര്യ ദേവതയായി, ശകതിസ്വരൂപിണിയായി പരിലസിക്കുന്ന പരിയാനംപറ്റ ഭഗവതിയെ കണ്ടു വണങ്ങുവാൻ അയൽജില്ലകളിൽ നിന്നും തമിഴ്നാട്ടിൽ നിന്ന് പോലും ധാരാളം ഭക്തർ എത്തുന്നു.
അമ്മേ ശരണം.