側田2020年再冇踏足內地工作 暫居泰國 望四處busking玩音樂 淚崩：呢個世界，Not everything is about politics, ok?（

剛過去的週末，側田於會展舉行一連兩場的《側田第一秒音樂會 Part 2》，今次音樂會，是側田哭得最多的一場演出。當晚演出後，側田與一位朋友what’s app對話，他說了一句：「如果當日我係搬去巴黎，而唔係北京，it will be different！」如果，就是沒如果！
 
音樂會一開始，跳唱多首快歌，炒熱現場氣氛後，側田表示很高興再次見到大家，開騷不久便感性回想2002年被傳媒抨擊的事件，忍不住喊着說：「當時我抱住純粹想唱歌嘅初心，入呢一個好黑暗嘅娛樂圈，純粹想唱下歌、做音樂咁簡單。入行3個月，唱片公司叫我小心啲，話啲雜誌會做我，咁點解要做我呢？」側田說，不知從何開始，坐褓姆車開始要拉起窗簾，覺得別人看他的眼光變得不一樣。
 
「『紅』呢個字其實我好反感，因為越紅身邊人越假，當你低潮，先知邊啲係真朋友。」說到此，側田再一次落淚，說自己的人生從低潮開始變了，自己不懂怎去handle。「好多時做好多嘢去發洩，呢一行令我去咗好多地方唱歌，令我識咗好多朋友。同時，亦冇咗好多朋友，有苦有甜，我對呢一行又愛又恨。」
 
2020年他由北京搬到泰國居住，原因他要尋回做音樂的原點。「想搵返個初心，算係行番個full circle，返去原來嗰個我，相信music god係要我經歷呢啲嘢，今日先做到呢個騷。」
 
與其抗拒別人的不同，倒不如發掘彼此的共通，這是側田的轉念。「而家呢個世界，好多人會搵同人哋唔同嘅嘢，然後去唔鍾意對方，我覺得應該要調轉，搵大家的共通處去愛大家，會better than this！」他自言以音樂與別人聯繫，釋出善意。
 
【為避haters一直刻意低調】
唱了多首耳熟能詳的歌曲後，側田預準很多心底話跟現場觀眾分享。由小時候被欺凌開始，到入行種種不快。「過去廿年，我有好多新聞，好多時我都冇去回應，谷住谷住，想回應，以前公司會話唔好。05年開始已經有啲haters搞我，直到我上過A1頭條，其實我最care係親人睇咗啲新聞，佢哋當咗係真！」側田表示，不回應是因為他深信，如果他是壞人，最終會等天收，「我抬得頭，對得住自己，無愧。」
 
側田不擅詞令，但今日他決定努力表達自己所想，不在躲避。「可能自己嘅personal life冇乜acceptance（認可），永遠都要靠觀眾嘅acceptance先覺得自己work something，但其實唔應該係咁樣！」以別人掌聲，換取自我價值，結果只有痛苦同迷失。
 
在泰國獨居時，他思考很多東西。自覺外界一直對他的誤解，令他想不通又解不開，然後借酒消愁，像惡性循環，情緒越走下波。側田說，入行至今，這個問題一直存在，他在台上又說到落淚：「過去一個月，我其實係好hurt，我已經好刻意低調，點解仲有人出嚟搞我呢？身邊嘅人都叫我唔好理，自己知道咩事就得！我諗通咗，唔鍾意我嘅人，我做乜都唔會鍾意我；如果鍾意我音樂嘅人，因為佢哋搞我而唔鍾意我，我都冇所謂！」此刻淚崩的側田真的沒所謂嗎？與其說粉絲離他而去沒所謂，倒不如說，我還有選擇嗎！
 
「今次我返嚟，我feel到好多愛，周街好多人同我握手，叫我加油，我啲同事、朋友個個都嚟撐我，佢哋知我份人係點！我只係想講一句，呢個世界，Not everything is about politics, ok?可唔可以just step away from a minute?」側田還透露，未來的日子，最想在泰國四處busking玩音樂，又叫大家如果去泰國見到他玩busking，記得要同他say hello！
 
【側田講錯話的timeline】
對他而言，大眾對側田的誤解，未免太深吧？
近年，網路上多次翻炒又翻炒他於2010年一次訪問中說的一句話：「在北京當個三線歌手，肯定比我現在賺的多十倍。 我不明白為什麼還有人覺得香港市場重要！」單看這句話，的確很「刺眼」，還有點「憤怒」，如果再看看前文後理，對他的成見可會放低一點？
 
側田自出道開始，便與傳媒關係不好，亦試過自己的衝動，與記者鬧翻，對香港傳媒「零安全感」下，2010年側田決定移居北京，暫別香港樂壇，為的不是賺人民幣，而是為了當時的韓籍女友。當時韓籍女友簽了陶喆北京開設的model公司，想跟女友一起生活，甚至有結婚打算的側田，決意跟隨將重心移到北京，加上不想再與香港傳媒接觸，推動他的離開。只是不擅詞令的側田，沒想過說錯了一句話，鑄成近年受唾棄的局面。
 
11年，側田開記者會宣佈到北京發展，可惜到了當地不足一年，便與女朋友分手，音樂創作失去passion同靈感，那幾年他的歌唱事業亦停頓下來。
 
16年，簽約新公司的側田，在內地參加了《蒙面唱將猜猜猜》、《歌手2017》等歌唱節目；2017年，在紅館舉行《側田JUSTIN CHAPTER FREE演唱會2017》，事隔兩年後，再開《My Beautiful Curse》。
 
記得《蘋果日報》2019年春茗，當時少數歌手願參與將軍澳蘋果大樓的慶祝活動，側田是其中一個，還記得當晚他唱得很開心，員工們聽得興奮。
自2020年後，側田便再沒到內地工作，反而與拍拖多年的圈外女友Karen暫居泰國，直至現在。
 
音樂會舉行前的full dress綵排，側田已控制不了淚水，哭得很厲害，情緒負荷已到頂點！狂哭，是一種發洩，將長期處於低壓槽的鬱悶釋放，才可繼續前行。


除了 CLS，亦歡迎你用 Super Thanks 支持我哋繼續用心製作🫶
有你哋支持，我哋會走得更遠

1. 喺 YouTube 影片下方（即係Like Dislike的一行）點選「超級感謝」（Super Thanks）；
2. 選擇你想支持嘅Super Thanks金額，目前有：$HKD10、$HKD25、$HKD50、$HKD250四種選項；
3. 透過 App Store/Google Pay 來使用信用卡或預付卡購買，成功後畫面上會出現一個感謝的小動畫；
4. 而成功購買後，喺留言處亦會用彩色來凸顯你的留言，也會顯示你贊助的金額。

多謝你支持娛壹！☺

你的支持❤讓我們得以繼續前行🙌
請訂閱《娛壹》Patreon：
https://bit.ly/3hZtP25