Tabuh Bya Kala & Tabuh iringan Ngider Dangsil | Pementesan Virtual 2021 "paten43artcommunity"

ATUR PAKELING/ ATUR SUKSMA

Ainggih sangkaning neleng tuas sekala niskala bhaktin titiyang ring Ida Bhatara sane malingga malinggih ring Pura Agung Batan Bingin, tityang ngaturang suksmaning manah malarapan antuk Panganjali Umat; Om Swastyastu, Om Awignamastu Nama Sidem. Angayu bagya manah tityang antuk Performance, garapan Virtual sane sida tayang (majanten) ring layar druwe suwang- suwang, sane mamurda NGIDER DANGSIL (Ider Dangsil).
Tityang saking Sekaa PATEN43Art Community, Banjar Tatiapi Kaja, Desa Pejeng Kawan, memanah ngaturang pemahaman, amatra (aklamad bawang), khususnyane ring warga Desa Adat Pejeng Kawan, paindikan Upacara Ider Dangsil punika. Manut ilikita TEOLOGI & SIMBOL- SIMBOL DALAM AGAMA HINDU, sane kasusun olih DR. I MADE TITIB, kasinahang indik Upakara Dangsil punika, wantah pinaka singasana utawi sthana Ida Bhatara sane kaolemin, turmaning prasida rauh/ tedun ring sajeroning Upacara Piodalan ring Pura Agung Batan Bingin, Desa Adat Pejeng Kawan. Inggian kadi punika Upacara NGIIDER DANGSIL (Ider Dangsil) wantah ngiderin Dangsil. Duaning kadi punika, Dangsil punika wantah meneng, sane meideran wantah uringan Dangsil sane merupa “Tegen-Tegenan” kadulurin antuk Upakara segehan lan Pras Ajuman, magenah manut arah angin, ngawit saking Purwa/ kangin, kelod kangin, kelod, kelod kauh, kauh, kaja kauh, kaja, kaja kangin lan di tengah. Ngider Dangsil puniki pateh ring mapurwa Daksina kantos ping 3 (tiga).
Inggian sida kasidan, tur sida memargi antar parikrama rekaman IDER DANGSIL punika, wantah sangkaning pasuwecan Ida Bhatara, kadulurin antuk asih- asuh prajuru Adat minakadi; Pemangku Desa kasanggin antuk putra lan menantu, Bendesa Adat Desa Pejeng Kawan, Prajuru Adat, angga juru sane siosan lan Crew Sekaa PATEN43Art Community maka sami sane nenten presida kacarca siki- siki.
Ring galah sane becik puniki, tityang ngaturang sarining manah, sane ning nirmala, nirwighna, dumogi suba karma sane kapaicayang pinaka pitulung ring tityang Sekaa PATEN43Art Community, sida amangguh bagya, rahayu, lunas- lanus sidaning don, kantos kapungkur- wekas.
Ainggih, wantah amunika sida antuk tityang matur lan mapakeling, dumogi wenteh pikenohnyane.

Om, Shantih, Shantih, Shantih, Om.

Pejeng Kawan,
Sekaa PATEN43Art Community

#ngiderdangsil #ceremony #culture #balinese #traditional #tatiapi #paten43art