မောက်ခမ်းဝါပြောပြမယ့် Story telling by Mauk Kham Wah

Story telling by Mauk Kham Wah | Episode (1)

Burma Podcast Network ဆိုတာ မိတ်ဆွေကို နာမည်ကြီးတွေနဲ့ သူတို့ အတွင်းရေးတွေအကြောင်း မိတ်ဆက်ပေးတဲ့နေရာ မဟုတ်ဘူးဆိုတာ မိတ်ဆွေ သတိထားမိလောက်ပါပြီ။

ဒီနေရာမှာ လူ့အာဂတွေ ၊ သူပုန်တွေ ၊ လူငယ်စစ်စစ်တွေ ရဲ့ အသံနဲ့အယူအဆတွေကို မိတ်ဆွေကြားရပါလိမ့်မယ်။ ဒီနေ့ မိတ်ဆက်ပေးမဲ့သူကတော့ အာဏာရှင်တွေ ပိတ်လှောင်ထားတဲ့ တံခါးတွေကို ရှေ့မျိုးဆက်နဲ့ပေါင်းပြီး ကူတွန်းဖွင့်ခဲ့တဲ့ တက်ကြွလှုပ်ရှားသူ လူငယ်တွေထဲက တစ်ဦးဖြစ်တဲ့"မောက်ခမ်းဝါ"ဖြစ်ပါတယ်။

ခေတ်ပြတင်းတံခါး လွန်ဆွဲမှုတွေကြားကဝင်လာတဲ့ အလင်းအမှောင်ဓာတ်တွေဟာ "မောက်ခမ်းဝါ" ကို ကမ္ဘာ့မဂ္ဂဇင်းတွေ၊ နိုင်ငံတကာ သတင်းဌာနတွေ၊ ခေတ်ပြိုင် ဓာတ်ပုံဆရာတွေက အသိမှတ်ပြုရတဲ့ ကင်မရာသမားကောင်းတစ်ယောက်ဖြစ်စေခဲ့သလို နိုင်ငံအတွက် လိုအပ်နေတဲ့ ရုပ်ရှင်ကားကောင်းအချို့ကိုလဲ ဒါရိုက်တာ တစ်ဦးအနေနဲ့ ထုတ်လုပ်ဖြစ်စေခဲ့ပါတယ်။

ရုပ်ရှင်ဖန်တီးသူ ၊ World press ဆုရ ဓာတ်ပုံဆရာ (ကရင်နီရှေ့တန်းစစ်မျက်နှာတွင် သက်စွန့်ဆံဖျား ရိုက်ကူးသူ)၊ သံပုံးတီးကမ်ပိန်း၊ အသံတိတ်သပိတ်၊ တောင်တန်းဂီတ ကမ်ပိန်း၊ ချပ်ဝတ်နီ ကမ်ပိန်းစတာတွေကို ဦးဆောင်ပါဝင်ခဲ့သူ တစ်ယောက်ရဲ့ Podcast ကို မိတ်ဆွေနားဆင်ကြည့်ပါအုံး ။