Скачать или смотреть NAMAZ in KANNADA With Practical Video

@Followers
@Highlight
@Namaz
@Kannada Islamic
@Namaz In kannada
ನಮಾಝ್ ಮಾಡುವುದು ಹೇಗೆ..?

ನಮಾಝ್ ಇಸ್ಲಾಮಿನ ಅತ್ಯಂತ ಕಡ್ಡಾಯ ಕರ್ಮಗಳಲ್ಲಿ ಒಂದಾಗಿದೆ. ನಮಾಝ್ ಶರೀರದ ಮುಲಕ ನಿರ್ವಹಿಸಲ್ಪಡುವ ಅತ್ಯಂತ ಶ್ರೇಷ್ಠ ಆರಾಧನೆಯಾಗಿದೆ. ನಮಾಝ್ ಸಮಯ ನಿಗದಿಗೊಳಿಸಿರುವ ಆರಾಧನೆಯಾಗಿದೆ. ನಮಾಝನ್ನು ಅದರ ಸಮಯದಲ್ಲಿಯೇ ನಿರ್ವಹಿಸಬೇಕು. ನಮಾಝ್ ದಿನದ ಐದು ಹೊತ್ತು ಕಡ್ಡಾಯವಾಗಿದೆ. ನಿಶ್ಚಿತ ರೂಪದಲ್ಲಿ ಅಂಗ ಶುದ್ಧಿ ಮಾಡಿದ ಬಳಿಕ ನಮಾಝ್ ಮಾಡಬೇಕು. ಶುದ್ಧಗೊಳಿಸಿದ ಶರೀರ, ಶುದ್ಧವಾದ ವಸ್ತ್ರವನ್ನು ಧರಿಸಿ, ಶುದ್ಧವಿರುವ ಸ್ಥಳದಲ್ಲಿ ನಮಾಝನ್ನು ನಿರ್ವಹಿಸಬೇಕು.

ಪವಿತ್ರ ಕುರ್ ಆನ್ ಹೇಳಿತು: “ನಮಾಝನ್ನು ಸಂಸ್ಥಾಪಿಸಿರಿ. ನಿಶ್ಚಯವಾಗಿಯು ನಮಾಝ್ ಅಶ್ಲೀಲ ಹಾಗೂ ದುಷ್ಕ್ರತ್ಯಗಳಿಂದ ತಡೆಯುತ್ತದೆ. ದೇವಸ್ಮರಣೆಯು ಅತ್ಯಂತ ಮಹತ್ತರವಾಗಿದೆ. ನೀವು ಮಾಡುವುದೆಲ್ಲವನ್ನೂ ಅಲ್ಲಾಹನು ಅರಿಯುತ್ತಾನೆ” (ಪವಿತ್ರ ಕುರ್ ಆನ್-29:45)

ಪ್ರವಾದಿವರ್ಯರು(ಸ) ನಮಾಝನ್ನು ಹೀಗೆ ವರ್ಣಿಸಿರುತ್ತಾರೆ: “ನಿಮ್ಮ ಮನೆಯ ಬಳಿ ಒಂದು ತಿಳಿ ನೀರಿನ ಒರತೆ ಹರಿಯುತ್ತಿರುತ್ತದೆ. ನೀವು ಐದು ಹೊತ್ತು ಅದರಲ್ಲಿ ಸ್ನಾನ ಮಾಡುತ್ತಿರುತ್ತೀರಿ. ಹಾಗಿದ್ದರೆ ನಿಮ್ಮ ದೇಹದಲ್ಲಿ ಏನಾದರೂ ಕೊಳೆ ಉಳಿದೀತೆ?. ಅದೇ ರೀತಿ ನಮಾಝ್ ಮಾಡುವವನ ಮನಸ್ಸು ಸಂಶುದ್ಧವೂ ಸುಸಂಸ್ಕ್ರತವೂ ಆಗಿರುವುದು.”