Скачать или смотреть Уи пщIэр уи IуэхущIафэрщ. Даур Иринэ

Зи макъым хуэдэу зи псэр дахэ уэрыджыIакIуэр цIыхупсэм ехуэбылIэу къокIуэкI утыку къызэрихьэ лъандэрэ. Зыхыхьэр къызэщIегъэушэ, къызэщIеIэтэри, лъэрытемыту къезыхьэкIын гуащIэ ярет. Къыздрихри уэ къащIэ! УзыщIегъэхъуэпс. Езым хъуапсапIэу иIэр и IэщIагъэм епхащ . Ар дыдэрщ и гуащIэм и къигъэхъуапIэри. ПIалъэ-пIалъэкIэрэ ущрихьэлIэ и псэм къыпхыпсу гуфIэ нэкIущ. КIуэрыкIуэм тету икIи мэусэ, икIи мэушэ. Утыку гъэдахэу зэрыщытым къыдэкIуэу псэм къыдыхьэ егъэджакIуэщ. Дихьэхыпауэ мэлажьэ. Анэ палъэу и гъэсэнхэм ятеубгъуащи, езы цIыкIухэри къыподжэж. ЗэIусэм псэ хелъхьэри, абы кърикIуэращи - икIыхьагъэкIэ ехъулIэныгъэу къокIуэкI. Апхуэдэу, и зэфIэкI къалъытэри уэрэд жыIэным теухуа зэхьэзэхуэ зыбжанэм дыщэ медал къыщыхуагъэфэщащ. Макъамэм теухуауэ ят дамыгъэ нэхъ лъапIэ дыдэр - «Золотой микрофон» жыхуаIэр – хуэфэщэн дыдэу къыратащ. ГъуазджэмкIэ Кавказ ищхъэрэ институтым егъэщIылIауэ лажьэ колледжым и вокал къудамэм и унафэщIщ – Къэбэрдей-Балъкэрми Ингуш республикэми я щIыхь зиIэ артискэ – Даур Иринэ.