Скачать или смотреть ABAJENOSIDERI Amaherezo muzahanwa: Umva iri tangazo rya CDR "IBYO NTIBINDEBA JYE NDI UMUSEDERI,1993

IBYO NTIBINDEBA JYE NDI UMUSEDERI

Itangazo ryambere ryasohotse amasezerano amaze gushyirwaho umukono na Guverinoma y’u Rwanda na RPF Inkotanyi yaryise “IBYO NTIBINDEBA JYE NDI UMUSEDERI”muri iri tangazo CDR yabwiraga ibyiciro byose by’abahutu kuva ku muturage;Umusirikare;umucuruzi;Minisitiri;Umukozi wa Leta n’abandi ko niba bemeye amasezerano ya Arusha ko bagomba no kwitegura kuva mu byabo bigahabwa Inyenzi.
Nta gushishikariza gukora Jenoside birenze ibyo ngibyo.Dore amagambo yakoreshejwe muri iri tangazo:
1.Muhutu wishubije ibyawe mu 1959 Inyenzi zikimara guhunga u Rwanda ;Bivemo dore inyenzi zaje kubisubiramo nkuko amasezerano ya Arusha abivuga.Ibyo ntibindeba Jye ndi Umusederi
2.Muturage Munyarwanda gira Witegure gutegekeshwa ikiboko no gutanga imisoro yo gukiza inyenzi nkuko amasezerano ya Arusha abiteganya .Ibyo ntibindeba Jye ndi Umusederi
3.Musirikare ngabo y’u Rwanda tanga imbunda maze ushoke igishanga nkuko amasezerano ya Arusha abivuga.Ibyo ntibindeba Jye ndi Umusederi.
4.Mucuruzi w’u Rwanda;wowe wagowe itegure kongerwa imisoro kugirango Guverinoma irimo Inyenzi izabone uko yishyura imyenda zafashe zigura intwaro zo gutera rubanda Nyamwinshi nkuko amasezerano ya Arusha abivuga.ibyo ntibindeba jye ndi Umusederi.
5.Minisitiri w’Umuhutu va mu murwa mukuru ujye gukorera I Byumba aho inkotanyi zishobora kuzagufata mpiri nkuko amasezerano ya Arusha abivuga.Ibyo ntibindeba jye ndi Umusederi.
6.Mukozi wa Leta tanga ibiro ubise Inyenzi nkuko amasezerano ya Arusha abivuga.Ibyo ntibindeba Jye ndi umusederi.
7.Munyarwanda ugendera muri Tagisi;itegure gukomeza kuzuza imifuka y’inyenzi dore bene wabo barazamura ibiciro ubutitsa by’amatagisi zitaraza;dore ziraje mirongo ine izikuba kane.Ibyo ntibindeba; tuzagendera mu zacu ;Jye ndi Umusuderi.
8.Bahutu mwese nimwitegure kuvurwa n’Inyenzi zibatere Inshinge zuzuye SIDA;dore ko amasezerano y’Arusha yazeguriye Ubuzima.Ibyo ntibindeba Jye ndi Umusederi.
9.Muhutu ugisinziriye;nubwo uzi ubwenge;witegure guhitanwa n’Inyenzi nkuko Inyenzi Museveni yabigenje mu Buganda.Ibyo ntibindeba Jye ndi Umusederi.
10.Nzirakarengane;mwitegure kubuzwa epfo na ruguru n’Inyenzi;dore ko arizo zizaba zifite inzego zose

#IntsinziTV #IshyakaCDR #Ndereyehe Charles

Ishyaka ryashingiwe ku ngengabitekerezo ya Jenoside rikaba ryarabigaragaje kuva ku munsi wa mbere kugeza kuwanyuma haba mu nvugo yayo ndetse no mu bikorwa n’ishyaka ryiswe CDR (Coalition pour la defense de la Repubulique).iri shyaka ryashinzwe n’abahutu babahezanguni basezeye muri MRND mu mwaka wa 1991 nyuma yaho ryari rimaze guhindura imikorere ubwo ni mu gihe hajyagaho Politiki yari ishingiye ku mashyaka menshi.aha rero birumvikana ko MRND itari gukomeza kugira intego n’inshingano nkibyo yari ifite igihe yari ishyaka rimwe rukumbi mu gihugu.MRND igihindura zimwe mu ntego zayo hari abahise basezera bayishinja ko itari ikivugira abahutu uko bikwiye noneho bajya gushinga ishyaka ryabo rya CDR ryari ryubakiye kuri Politiki ya Hutu Power yo kurwanira no kuvuganira abahutu ngo bishyire hamwe noneho babone uko barwanya umwanzi wabo rukumbi ariwe Mututsi.mu kiganiro cyacu cyuyu munsi tugiye kurebera hamwe zimwe mu nyandiko z’amatangazo ya CDR agaragaza ingengabitekerezo ihambaye nkimwe mu nzira CDR yakoreshaga.amateka yuko ryashinhzwe twayagarutseho mu biganiro byacu bibanza hantu kuri channel wabireba gusa uyu munsi icyo tugiye kwibandaho cyane ni bugome n’urwango ku batutsi byagaragazwaga n’iri shyaka ku mugaragaro ibicishije mu matangazo n’inyandiko zayo.iki kiganiro IBYAHISHWE ukurikira ku Ntsinzi tv.iki ugiye gukurikirana cyateguwe na BIZIMANA