ყოველივე მის მიერ და მისა მიმართ დაებადა. და იგი თავადი არს ყოველთა წინა, და ყოველივე მის მიერ დამტკიცნა. იგი არს თავი ეკლესიაჲსაჲ, რომელი არს დასაბამი (ος εστιν [η] αρχη), პირმშოჲ მკუდრეთით, რაჲთა იყოსიგი თავადი ყოველსა შინა მთავარ; (კოლ. 1:16-18). ჩნდება კითხვა: უზენაესს აქვს თუ არა დასაბამი? არა, ის დაუსაბამოა! ღმერთის სიტყვას ვინ მისცა დასაბამი? უზენაესმა! ის ვის მიერაც შეიქმნა ყოველი, შეიძლება იყოს თუ არა თვითონ შექმნილი? რათქმაუნდა კი თუ გავითვალისწინებთ კონტექსტში წაკითხულ ტექსტს, კერძოდ ვისგანაც არის ყოველი და ვის მიერაც არის, პავლე ამბობს რომ ყოველივე არის მამისაგან: ჩუენდა ერთ არს ღმერთი მამაჲ, რომლისაგან არს ყოველი (1 კორ. 8:6). მას არ უთქვია ყველაფერი არის იესოსგან, რადგან იესოც ადასტურებს რომ ის არის მამისაგან მოვლენილი ამ ქვეყნად (ინ. 6:38), ის რომ იესოც, როგორც ძე ღვთისა მონაწილეობდა სამყაროს შექმნაში თუმცა ეს იმას არ ნიშნავს რომ ყველაფერი მისგანაა, რადგან მამა რასაც აკეთებს ძეს უჩვენებს და ძეც მსგავსად აკეთებს, მამას ოსტატივით გვერდით ყავს ძე და ყველაფერს ასწავლის, იესო ადასტურებს ამას და ამბობს: ვერ ჴელ-ეწიფების ძესა კაცისასა საქმედ თავით თჳსით არარაჲ, არა თუ იხილოს, რასა მამაჲ იქმნ, რამეთუ რასაც იგი იქმს, მისა მსგავსადცა ძჱ იქმს. (ინ. 5:19). დამეთანხმებით იმაში რომ ყველა ქმნილებას აქვს დასაბამი, ხოლო ღმერთი დაუსაბამოა. დასაბამი რაც არის, ის ვერ იქნება ყველაფრის შემოქმედი, ყველაფერი მისგან არაა, რადგან ისიც სხვისგან სწავლობს, თავისთავად ეს არ შეუძლია, გამოდის ყველაფერი მის მიერ არის სრულებით არ ნიშნავს იმას რომ ყველაფერი მისგან არის შექმნილი რადგან თვითონაც არის მამის ქმნილება. კონკრეტულად რა შეიქმნა იესოს მიერ, რაც მანამდე არ იყო შექმნილი? თუკი ყველაფერი მის მიერ შეიქმნა მაშინ როგორ ამბობს მამა: გარდავართხ ცაჲ მარტომან და დავამყარე ქვეყანა (ეს. 44:24)? ვისთან მიმართებაში მარტოდმყოფი და პირველყოფილი მამა (primordiale padre)? თუკი ძის მიერ არის ყოველივე, მაშინ რატომ ამბობს იესო რომ მას მამის საქმეების ხილვის გარეშე არაფრის კეთება არ შეუძლია? მაშინ ის როგორ არის ყოვლისშემძლე ღმერთი? იესო ამ კითხვაზე თვითონვე პასუხობს: რამეთუ მე თავით თჳსით არარას ვიტყოდე, არამედ რომელმან მომავლინა მე, მამამან, მან მომცა მე მცნებაჲ, რაჲ ვთქუა და რასა ვიტყოდი. (ინ. 12:49). იესო ამბობს რომ მამისაგან, რომელმაც ის ზეციდან მოავლინა, აქვს მცნება მიცემული თუ რა თქვას და რა ისაუბროს, თვითნებურად კი მას არაფრის თქმის უფლება არ აქვს, აქ კიდევ ერთხელ ვხედავთ თუ როგორ ავლენს იესო მამისადმი დაქვემდებარებას, ის უზენაესზე წინ არასდროს არ იდგამდა ნაბიჯს და მამაზე წინ არასდროს არ წასულა, ანუ პირველობაში მამას არასდროს შესცილებია. მამა არის პირველი ძალაუფლებაში, რადგან ძე მისგან იღებს ყველაფრის უფლებას, როგორც თავად ამბობს: ყოველივე მომეცა მე მამისა ჩემისა მიერ; (მთ. 11:27) ასევე: რამეთუ ჴელმწიფებაჲ აქუს ძესა კაცისასა ქუეყანასა ზედა მიტევებად ცოდვათა (მრკ. 2:10). იესო ყველგან ამჟღავნებს რომ ის ემორჩილება მამის ნებას და ადასტურებს რომ ყველაფრის ხელმწიფება აქვს მიცემული უზენაესი გამჩენისგან.
Информация по комментариям в разработке