Ratangadh Trek Video | रतनगड ट्रेक | Ratangadh Fort | Amruteshwar Mandir | अमृतेश्वर
#trekingvideo #ratangadhfort #ratangadh #ratangad #ganeshjagdalevideo #amruteshwarmandir #amruteshwartempleratanwadi
रतनगड स्वराज्या मधील किल्ले हीच तेव्हाचे खरे धन, लक्ष्मी होती, म्हणून ट्रेकर्स ऑफ सह्याद्री ह्या आमच्या ग्रुप ने लक्ष्मीपूजनाच्या दिवशी रतनगडावर जायचे ठरविले. आमचा सहकारी साई अंबाडे हा आमच्या साठी त्यांची गाडी उपलब्ध करून देतो अर्थात स्वतः देखील बरोबर असतो. रविवारी सकाळी 6 वाजता आम्ही वासिंद मधून रतन वाडी कडे कूच केले, रस्त्यात भावली धरण, अलंग मदन कुलंग, कळसु बाईचे शिखर खुणावत होते, भंडारदरा धरणाचा अथांग जलाशय पाहत आम्ही रतनवाडी येथे दहा वाजता पोहचलो. रतनवाडी गाव छोटेसे , उत्पन्नाचे साधन भात शेती व पर्यटक , गिर्यारोहक ह्यांना सुविधा पुरविणे . आम्ही फ्रेश होऊन रतन वाडी मधील प्रसिद्ध अमृतेश्वर मंदिरात पोहचलो, तिकडे काही लोकं जमलेली. आमदार किरण लहमटे व ग्रामस्थ . पहिल्यांदा वाटले आमदार महोदय दिवावलीच्या शुभेच्छा देण्यासाठी आले असावेत, मित्र विनय सावंत ह्याचा परिचय देऊन ओळख करून घेतल्यावर समजले जमलेले लोक पुस्तक प्रकाशनासाठी जमलेले आहेत . ज्या पुस्तकाचे आमदार किरण लहामटे ह्यांच्या हस्ते तिथे प्रकाशन झाले ते पुस्तक होते , अकोले तालुक्यातील प्राचीन स्थापत्य शैली - मंदिर शिल्प . ह्या पुस्तकाचे लेखक अरविंद सकबोर हे होते. ह्या पुस्तकात लेखकाने अकोले तालुक्यातील रतनवाडी मधील अमृतेश्वर मंदिर, हरीचंद्र गडावरील हरीचंद्रेश्वर, आढळ नदी तीरावरील जगदंबा मंदिर, अकोले जवळील सिध्देश्वर मंदिर, गंगाघटेश्वर मंदिर, कोटुळ येथील कोतुळेश्वर मंदिर,शिवाची वाडी येथील महादेव मंदिर ह्या सर्व वास्तूच्या स्थापत्य शैलीचां आढावा ह्या पुस्तकात घेतलेला आहे, पर्यटक व गिर्यारोहक ह्यांच्या साठी महत्वाचे असे हे पुस्तक आहे. हे पुस्तक थोडे पाहिले व 11 वाजता आम्ही गड चढाईसाठी सुरुवात केली. रतनवाडी पासून साधारण 5 किलो मीटरचे जंगलातील अंतर कापले की आपण मुख्य किल्ल्याच्या वाटेस लागतो. दिवाळीचे दिवस असल्याने वर्दळ कमी होती. भर जंगलात सरबत विकणाऱ्या दादाने सांगितले की शनिवार रविवार इथे 500 ते 800 लोक असतात. मागील वर्षी एका आठवड्यात 10,000 लोक येऊन गेली होती. इथला निसर्ग ,कारवी ची फुले पाहण्यासाठी लोक येतात. ह्या वर्षी कारवी ला फुले नव्हती. आणि नोव्हेंबर लागल्याने इतर फुलांचा हंगाम संपलेला होता. साधी, मध्यम, शिडी मार्ग करत, इथल्या स्थानिक लोकां कडून वाघाच्या कथा ऐकत आम्ही गणेश दरवाजा गाठला . आता थोडा ह्या किल्ल्याचा इतिहास पाहू या.... रतनगड हा गिरिदुर्ग प्रकारातील मध्यम चढाई श्रेणीचा किल्ला आहे. ह्या किल्ल्याची एकूण उंची 4250 फूट अशी आहे. ह्या किल्ल्याला गणेश, हनुमान, कोकण, आणि त्रिबक असे चार दरवाजे आहेत. इ.स. 1360 मध्ये हा किल्ला आणि तेथील प्रांत ह्यांच्यावर महादेव कोळी समाजाचे वर्चस्व होते, त्यानंतर हा किल्ला इ. स.1400 मध्ये जव्हारचा राजा नेमशहा याच्या ताब्यात जवळपास 85 ते 90 वर्ष होता. इ.स.1490 मध्ये हा किल्ला माणिक अहमद याने जिंकला, आणि महादेव कोळी ह्यांना सरदार निवडले. इ. स.1660 मध्ये मोरोपंत आणि महादेव कोळी समांजाच्या लोकांच्या मदतीने छत्रपती शिवाजी महाराज ह्यांनी हा किल्ला स्वराज्यात सामील केला . किल्यावर अनेक बांधकामे केल्याचा उल्लेख आहे .मधल्या काळात इंगर्जांच्या ताब्यात गेलेला हा किल्ला छत्रपती शाहू महाराज ह्यांनी इ. स 1720 मध्ये ताब्यात घेऊन राजूर प्रांताची निर्मिती केली , व ह्या प्रांताचे मुख्यालय रतनगड करून त्यांची जबाबदारी जावजी बांबले यांच्या कडे दिली . ह्या काळात रतन गडाचा मोठा विकास झाल्याचे दिसून येते. इ.स 1813 मध्ये किल्ल्याचे सुभेदार गोविंदराज खाडे ह्यांचा पराभव इंग्रजांनी करून हा किल्ला ताब्यात घेतला. ह्या विरोधात इ. स. 1820 मध्ये राघोजी भांगरे व गोविंदराज खाडे ह्यांनी ब्रिटिश राजवटी विरोधात बंड पुकारले होते, त्यांचे बंड मोडून काढताना इंग्रजांनी किल्लाची मोठी नासधूस केली. परंतु आजही रतन गड त्यांच्या वैभवाची साक्ष देत उभा आहे . इथला निसर्ग रतनगडाच्या वैभवशाली पणास आणखी तेजाची झालर देत आहे , मोजकीच पण किल्लाचे वैभव सांगणारी ठिकाणे इथे आहेत,त्यात चार दरवाजे, महादेव मंदिराचे अवशेष, काही तलाव , रत्ना देवीचे मंदिर ,मोठी गुहा पाहीले ही वर चढताना झालेली मेहनत फळास येते. आधी घामाच्या धारा आणि नंतर थंड वारा हा अनुभव वेगळाच. अकोलेतील काही आजोबा अनवाणी गडावर जाऊन परतीच्या प्रवासाला लागले होते, काही तामिळ युवक इथे भेटले तर काही युवा.दोन्ही गटाकडे खाण्याचे काहीच दिसत नव्हते ,आम्ही थोडा आग्रह केल्यावर ते आमच्या मध्ये सामील झाले, भाकरी,दिवाळी फराळ फस्त केला. खरे तर उतरताना सामद्र मार्गे उतरायचे ठरवले होते ,पण काही कारणास्तव ते रद्द करून आम्ही परतीचा प्रवास ठीक सहा वाजता सुरू केला , रतनवाडी मधून सोबतचे सहकारी किशोर रंदवी , सुधीर राव, गणेश जगदाळे,रामदास दिवाणे , आनंद दिवाणे , साईंनाथ अंबाडे, ह्याच्या सह. आमचे सहकारी रामदास दिवाणे, व साईनाथ अंबाडे ह्याचे वाढ दिवस नुकतेच होऊन गेलेले त्या निमित्ताने देखील ही चढाई होती....
-- ऍड. विजय दिवाणे
My Other Trek Videos :
Jivadhan Fort Video :- • किल्ले जीवधन || Jivdhan Fort || Jivdhan Fo... Bhimashankar Trek :- • Bhimashankar Trek | Bhimashankar trek via ...
Sidhagadh Fort :- • Siddhgadh Trek Video || सिद्धगड किल्ला
Информация по комментариям в разработке