អាវុធគ្រូធ្មប់ || គោបា ស្នាតេះ ដោយអទិទេព ផ្លូវងងឹត

វិជ្ជាធ្មប់ត្រូវបានគេប្រើក្រោមហេតុផលធំ ២ គឺ៖ ១. គំនុំផ្ទាល់ខ្លួន ឬ មហិច្ឆតារបស់គ្រូធ្មប់ ២. មានគេពឹងឱ្យដាក់អំពើធ្មប់ ឬ ជួលគ្រូធ្មប់
ចាស់បុរាណខ្មែរ លោកខ្លាចញញើតនឹងអំពើធ្មប់នេះណាស់ ជាពិសេស «គ្រូធ្មប់ប្រភេទអ្នកដាក់អំពើ» ព្រោះរាល់អ្នកដែលពាក់ព័ន្ធ ឬ ត្រូវអំពើរបស់គ្រូធ្មប់ណាមួយហើយ បើរកគ្រូណាមួយព្យាបាលមិនត្រូវឈ្មោះអាគមគេដាក់ និង ដោះអំពើទាន់ពេលទេ អ្នកនោះនឹងក្ស័យជីវិតយ៉ាងវេទនាជាទីបំផុត ព្រោះវាជាការស្លាប់ដែលលឿន គ្មានដាន និង វេទនាជាទីបំផុត គ្មានថ្នាំទេវតាណាអាចជួយទាន់ឡើយ គឺជាការស្លាប់ដែលមិនអាចគេចបាន មានតែទៅស្វែងរកគ្រូដែលមានមន្តវិជ្ជាខ្លាំងពូកែជាងគ្រូដែលដាក់អំពើយើង ឱ្យគាត់ជួយដោះឱ្យលឿនបំផុតតែប៉ុណ្ណោះ ទើបយើងអាចមានសង្ឃឹមរស់។ ប្រជាជនខ្មែរកាលសម័យបុរាណ គ្រប់គ្នាសែនភ័យបាក់ស្បាតនឹងប្រភេទធ្មប់នេះក្រៃលែង ស្របពេលដែល «ធ្មប់គំរង់» មិនចូលចិត្តធ្វើឱ្យនរណាម្នាក់ស្លាប់ទេ ផ្ទុយទៅវិញមេធ្មប់នេះរៀនវិជ្ជាដាក់ស្នេហ៍ ឬ បំបែកបំបាក់ស្នេហាគេ ហើយចូលចិត្តសាកសពមនុស្សស្លាប់ជាទីបំផុត ជាពិសេសខ្មោចដែលស្អុយរលួយវ៉ល់ចេញខ្លាញ់ និង ដង្កូវ។ រាល់សាកសពដែលស្លាប់តៃហោង គ្រោះថ្នាក់ចរាចរណ៍ ស្លាប់ដោយសត្វសាហាវខាំ ឬ សពអានាថា កប់យូរថ្ងៃហើមប៉ោងស្ពីង ប្រេះជោរហូរទឹកហើមរលួយណែនដោយដង្កូវ ក្លិនអាសោចស្អុយប្រហោងជ្រៅសុទ្ធតែខ្ទុះ ដូនតាខ្មែរតែងសម្គាល់មើលនៅពេលកណ្តាលរាត្រីស្ងាត់យើងនឹងឃើញធ្មប់នេះដើរចេញពីផ្ទះ ជាមួយចបជីក និង កាដុងច្រកទឹក ទៅគាស់ផ្នូរខ្មោចនោះ ដើម្បីរឹតពូតយកយកខ្ទិះខ្លាញ់សាកសពទាំងនោះច្រកទុកផឹក។
ចាស់ៗដំណាលថា គ្រូធ្មប់ទាំងនោះមានវិជ្ជាងងឹតខ្លាំងរហូតផឹកទឹកគំរង់សពមានរសជាតិផ្អែមដូចទឹកឃ្មុំ និង ឱជារសឆ្ងាញ់ពិសា។ ជាទូទៅធ្មប់ស្អប់សំឡេងក្មេងណាស់ ធ្មប់ខ្លះវះពោះខ្មោចស្រីពោះធំ យកកូនក្នុងផ្ទៃឆ្អើរធ្វើកូនក្រក វាជាហេតុផ្ទះគ្រូធ្មប់ ឬ គ្រូអាគម រមែងក្រោយផ្ទះមានដើមឫស្សីស្អេកស្កះ ត្រូវបានគេឃើញសង់នៅឆ្ងាយពីតំបន់ដែលមានអ្នកភូមិរស់នៅ ឬ ជាព្រៃដែលគ្មានមនុស្សទៅដល់ គ្មានសូម្បីដានកង់រទេះជិតឆ្លងកាត់ ឬ សំឡេងសត្វយំ រហូតមានពាក្យចាស់បុរាណតែងនិយាយថា ផ្ទះណាគ្មានសំឡេងក្មេងយំ ផ្ទះនោះគេហៅផ្ទះធ្មប់ ហេតុផលមិនមែនគ្រូទាំងនោះស្រឡាញ់ភាពស្ងប់ស្ងាត់ឡើយ តែមូលហេតុនោះគឺ ខ្មែរពីដើមឱ្យតែដឹងថាផ្ទះណាមានគ្រូធ្មប់ ជាពិសេសរាល់គ្រាដឹងថាអ្នកជិតខាងជាប់របងខ្លួនជាគ្រូធ្មប់ ព្រលឹមមិនទាន់ ដូនតាខ្មែរសម័យមុន នឹងរួបរួមគ្នាសាមគ្គី សែងខ្ទម រើផ្ទះ ប្រមូលរបស់របរ ជ្រូកគោមាន់ទា និរទេសភៀសកាយនាំកូនពចៅ និយាយពាក្យថាលាហើយលំនៅចាស់ យាត្រាឆ្ពោះទៅទីស្ថានសុវត្ថិភាពដោយមិនចាំបាច់មានអ្នកបង្គាប់ មិនមែនរើសអើង បុព្វហេតុដោយសារជាតិនេះអស់និស្ស័យបន្តរាប់គ្នាជាអ្នកជិតខាង។ ជាពិសេសចាស់ៗបុរាណលោកជឿថា អ្នកកាន់វិជ្ជាអាបធ្មប់នេះ មិនអាចដាំដុះអ្វីបានផ្លែផ្កាឡើយ សូម្បីតែដើមឈើហូបផ្លែក្នុងបរិវេណផ្ទះគ្រូធ្មប់ទាំងនេះ ក្រៅពីដើមឫស្សីភាគច្រើនគ្មានរស់ ឬ ចេញផ្កាអ្វីឡើយ លោកហាមកូនចៅ មិនត្រូវរាប់គ្នា ឬ ប្រវាស់ដាំដំណាំធ្វើស្រែចម្ការ ដាក់ទុនរកស៊ីដាំដុះ កសិកម្មជាមួយអ្នកចេះវិជ្ជាធ្មប់នេះជាដាច់ខាត
ចឹងហើយបានជាបងប្អូន ត្រូវតែសិក្សាគាថាខ្លះៗដើម្បីការពារ ក្នុងករណីប្រពន្ធឬគ្រួសារមានជម្ងឺរំលែកសូមបងប្អូនយកសីមាចងកដៃកជើងនិងករបស់គាត់រួចសូត្រថា៖
ពុទ្ធំ ពន្ធំ សោឆាយ ធម្មំ ពន្ធំ សោឆាយ សង្ឃំ ពន្ធំសោឆាយ
គាថានេះបងប្អូនសូត្រនៅពេលចងអំបោះរួចរាល់ ។

មន្តគាថា,មន្តអាគម,វេទមន្ត,ស្ដេចអាថ័ន,ស្ដេចអថ័ន,មហាវេទ,អាទិទេព ផ្លូវងងឹត,អាថ៌កំបាំង ផ្លូវងងឹត,ស្ដេចបាលី កងចក្រ,គាថាទល់មុខអ្នកខ្លាំង,គាថាបន្សាប់ធ្មប់,គាថាចក្រវាឡ,គាថាមហាវេទ,អថ័នមហានគរ,អថ័នចងបិសាច,អថ័នបាតភ្នំគូលេន,អាដ្ឋាន,យ័ន្ត,យន្រ័្ត,អាទិទេព,ទេសនា,គាថាចងនោងហៅ,មហាគាថា,អាគមបុរាណ,របៀបរក្សាមន្តអាគមកុំឱ្យសាបរលាប,ត្រណមទាំង៩ សម្រាប់អ្នករៀនមន្តអាគម,ត្រណមមន្តអាគម,យ័ន្ត៨ទិស