Скачать или смотреть الطايف المأنوس ⚡️ // كلمات الشاعر عبدالله العلاوه // دويتو 💥 عبدالله السواط و حسين الراجح

كتبت من البيوت طوال في شعر الغزل وقصار
ولا غازلت مثل الطايف المانوس ببياتي

احبك ياخوي الغيم والنسمات والأمطار
احبك ياهواي اللي هويتك في بداياتي

وانا لا زلت مغرم في هوا الطايف ومهما صار
هوا الطايف هواي وفيه دمعي وابتساماتي

صحيح الطايف احلى والحلا ماهو حكي وإشعار
لو الطايف حلاه إشعار ماهوب من شعاراتي

لكن فعلا حلا الطايف حقيقة تلفت الانظار
ولو قسمتها تطلع ثلاث أقسام كالآتي

مصيف بلادنا الاول وبيت الورد والأزهار
وبيت الطيبين اهل الكرم في كل الاوقاتي

وجار البيت والبيت العتيق اعظم مكان وجار
يجينا منه للذكرى وللايمان نفحاتي

وأميره خالد الفيصل وامير الشعر والشعار
الا يامن يبلغ خالد الفيصل تحياتي

أمير الشعر والابداع والابن الحكيم البار
لهذا الصرح وولاة الامر واللي نبي ياتي

وأبو بندر هو اجمل من عطى الطايف منه تذكار
وكم من يوم جاله فيه مقيالٍ ومبياتي

والا منا طلعنا البر في جلسة وشبة نار
تذكرنا أغنية طال السفر وأمر المعاناتي

واذا رحنا الهدا والا الشفا والا الردف وشهار
سرقنا الوقت في لمح البصر ويمر سكاتي

جمال الطايف أصلاً منبع الهاجوس والأشعار
ومنبع مبدعين الشعر من حيّين وامواتي

وزاده دعم حكام البلاد اصرار فوق اصرار
وزدنا فيه حب وزاد تحقيق الطموحاتي

سكن فينا غرامك من طفولتنا عيال صغار
وحبي لك وحب أهلك بعد منقوش في ذاتي

وحنا فيك نشكر لله الخير الذي مدرار
تحت هيبة ولاة الامر مرسين الدعاماتي

ملكنا ابو فهد سلمان والدنا وليل نهار
ابحب الملك سلمان وادعي في صلواتي

لنا يحفظه رب الكون ذخر وعز واستقرار
وكل الشعب يدعي للملك سلمان دعواتي

ولي عهده محمد يردع الاٍرهاب والأشرار
شبيه العود يبني للفخر والمجد هاماتي

والاسرة كلهم يحميهم المولى من الاخطار
ومن كيد العدا وعيون حسادٍ وشمّاتي

وحنا ما نساوم فيهم الخاين ولا الغدار
محبة شعبهم بالفعل صاغتها عباراتي