ဖုန်ကန်ရာဇီ ရေခဲတောင်ထိပ်ဆီ [အပိုင်း - ၄] | Up To the Top of Phong Kan Razi Glacier [Episode - 4]

အရင်ကဆို ရေခဲတောင်တက်သူတွေတိုင်းကို အလွယ်ဆုံးတောင်ဖြစ်ဖြစ် အခက်အခဲဆုံးတောင်ဖြစ်ဖြစ် ဘယ်တောင်တက်တက် အရမ်းကို လေးစားသဘောကျတာ။ ကိုယ်တိုင်တက်နိုင်မယ်လည်း မထင်ခဲ့ပါဘူး။ ဖုန်ကန်ရာဇီတောင် ကို စပြီး စမ်းတက်ကြည့်မှပဲ ဒီအရသာကို ပိုနှစ်ခြိုက်လာသလို ရေခဲတောင်တက်သူတိုင်းကို တောင်ထိပ်ရောက်သည်ဖြစ်စေ၊ မရောက်သည်ဖြစ်စေ အထင်ကြီးလေးစားမိသွားတာတော့ အမှန်ပါ။ အလွယ်ဆုံးလို့ ဆိုကြတဲ့ ဖုန်ကန်တောင် တောင် အတော်လေး အားစိုက်ထုတ်ရတာ ဒီ့ထက်ပိုကြမ်းတဲ့ခရီးလမ်းနဲ့ အခြားသောရေခဲတောင်တွေဆို အသက်တောင်ပေးတက်ကြသူတွေဟာ ဘယ်လောက်ဇွဲသတ္တိတွေ ကောင်းကြသလဲ တွေးမိ လေးစားမိပါတယ်။ ဒီနေ့ အပိုင်း (၄) မှာတော့ ကျွန်တော်တို့ဟာ ခမ်းတောက်မြစ် စခန်း ကနေ အောက်ရေခဲစပ် စခန်းကို ဖြတ်လို့ အထက် ရေခဲစပ် စခန်းကို ညအိပ်ဖို့ သွားခဲ့ကြပြီး စောစောရောက်နိုင်ခဲ့တဲ့ ကျွန်တော်တို့ (၃) ယောက်ဟာ ဖုန်ကန်တောင်ထိပ်ထိ ရေခဲနှင်းတွေ မြင်ရဖို့ ထပ်တက်ခဲ့တဲ့ အကြောင်းအရာကို တင်ဆက်ထားပါတယ်။ သိပ်လည်းလှသလို သိပ်လည်းကြောက်စရာကောင်းတဲ့ ရေခဲတောင်တက် အတွေ့အကြုံတွေဟာ အမြဲအမှတ်ရစရာ ဖြစ်နေခဲ့ပါတော့တယ်။

ဖုန်ကန်ရေခဲတောင် တက်ဖို့ စိတ်ဝင်စားသူတွေ၊ တောင်တက်ခရီးအကြောင်း လေ့လာလိုသူတွေအတွက် ကျွန်တော်ကိုယ်တိုင် ဖုန်ကန်တောင်တက်ရင်း ကြုံခဲ့သမျှကို အရှိအတိုင်း ရိုက်ကူးထားတဲ့ ဖုန်ကန်ခရီးစဉ်ကို တင်ဆက်လိုက်ပါတယ်။ တောင်တက်ခရီးစဉ်ဟာ ရက်ရှည်တဲ့အတွက် တစ်ပိုင်းတည်း တင်ဆက်ဖို့ ခက်ခဲတာမို့ Series အနေ အပိုင်းလိုက် တင်ဆက်ပေးလိုက်ပါတယ်ခင်ဗျာ။ ခရီးစဉ်အတွက် လိုအပ်တာတွေကို ဒီဗီဒီယိုတွေကြည့်ရင်း ခန့်မှန်းတွက်ဆနိုင်မယ်လို့ ယုံကြည်ပါတယ်။

အခု အပိုင်း (၄) မှာတော့ ခမ်းတောက်မြစ် စခန်း ကနေ ဖုန်ကန်ရေခဲတောင်ထိပ် ထိ ကို သွားတဲ့အတွေ့အကြုံတွေကို တင်ဆက်ထားပါတယ်ခင်ဗျာ။

အားလုံးပဲ အမြဲ ဘေးကင်း ကျန်းမာ ရွှင်လန်းကြပါစေ...
သီဟလုလင် (Thiha, the Traveller)