ပုသိမ်ဟာလဝါ

ပုသိမ်ဟာလဝါ

သီတင်းကျွတ် ပိတ်ရက်လေးမှာ မြန်မာမုန့်လေးတမျိုးတော့ တင်ပေးနိုင်အောင် လုပ်မယ်ဆိုပြီးတော့ အခု "ပုသိမ်ဟာလဝါ"လေးကို လုပ်ပြပေးလိုက်တာပါနော်။ အခုကာလက အပြင်သွားဖို့လဲခက်ခဲတယ်။ ခရီးသွားဖို့ဆို ပိုတောင်မလွယ်တော့ ဒီ "ပုသိမ်ဟာလဝါ"လေးကို လုပ်စားကြည့်ပါနော်။ ကုန်ကြမ်းတွေကလဲ အရမ်းမများသလို လုပ်နည်းကလဲလွယ်ပါတယ်။ မီးဖိုပေါ်မှာ မွှေရတဲ့ အချိန်လေးပဲ နည်းနည်းကြတာပါနော်။ ကဲပြောနေတာတော့ ကြာပါတယ်။ လိုက်လုပ်စားဖို့ Video လေးကို ကြည့်ကြည့်လိုက်နော်။
ပါဝင်သောပစ္စည်းများ
၁။ မွှေး ကောက်ညှင်းမှုန့် - ၃ ခွက်
၂။ သကြား - ၁ ခွက်မောက်မောက်
၃။ ညောင်စေးကျအောင် ကျိုထားသော ကြံသကာရည် - ၁ ခွက် (သို့) ကြံသကာ - ၂၀ ကျပ်သား
၄။ ဆား - လက်ဖက်ရည်ဇွန်း လေးပုံတပုံ
၅။​အုန်းနို့ - ၄၀၀ ml
၆။ နွားနို့ - ၄၀၀ ml
၇။ ရေ - ၄၀၀ ml
၈။ ဘိန်းစေ့ - ထမင်းစားဇွန်း ၄ ဇွန်း
၉။ ဆီ - ထမင်းစားဇွန်း ၈ ဇွန်း (သို့) ခွက်တဝက်
၁၀။ ထောပတ် - ထမင်းစားဇွန်း ၈ ဇွန်း (သို့) ခွက်တဝက်
(၁ခွက် = ထမင်းစားဇွန်း ၁၆ ဇွန်း = ၂၄၀ ml)
(လက်ဖက်ရည်ဇွန်း ၁ ဇွန်း = 1 teaspoon = 5 ml)
(ထမင်းစားဇွန်း ၁ ဇွန်း = 1 tablespoon = 15 ml)