Скачать или смотреть 77 Gjuha 9 Filara Mesimi 77 Drejtshkrimi i nyjës së përparme i e të së të emrave mbiemrave përmrave

77 Gjuha 9 Filara Mesimi 77 Drejtshkrimi i nyjës së përparme i, e, të, së të emrave, mbiemrave dhe të përemrave
1. Nyja e përparme tek emrat do të përdoret në këto raste:
a. Në të gjithë emrat në rasën gjinore:
Ndërmarrja e ndërtimit. Ndërmarrjes së ndërtimit.
Dyqani i luleve. Dyqanit të luleve.
b. Në rastet kur emrat e rasës gjinore ndiqen nga një tjetër emër i rasës gjinore, ose dhanore njëjës të pashquar do të shkruhen me nyjën të, pavarësisht nga gjinia që ka emri i tij:
Diploma e një studenti të Fakultetit të Histori-Filologjisë.
Çmimi iu dorëzua një lojtari të skuadrës kombëtare.
c. Në rastet kur një emër në gjininë femërore në rasën gjinore, dhanore ose rrjedhore njëjës përcaktohet nga dy, ose më shumë mbiemra të nyjshëm, mbiemr i dytë dhe të tjerët marin nyjen të:
Vajzës së urtë, të shkathët dhe të zellshme.
Motrës së saj të dashur e të paharruar.
d. Përpara emrave femërorë të nyjshëm në rasën gjinore, dhanore dhe rrjedhore, shkruhet nyja së për trajtën e shquar dhe të për trajtën e pashquar:
Orari i së hënës. Shpresat e së nesërmes. Përpara së resë etj. Bindja e një të moshuari.
dh. Shkruhet nyja i midis emrave mashkullorë që lakohen si femërorë dhe emrave a mbiemrave që i përcaktojnë ata pas rasës emërore të të përcaktuarve, kurse në gjinore, dhanore dhe rrjedhore përdoret së:
Daja i Gonit. Dajës së Gonit.
2. Nyja e përparme te mbiemrat përdoret në këto raste:
a. Te mbiemrat e nyjshëm të shkallës pohore kur janë të vendosur pas një emri në femërore:
Fusha e një shkolle të madhe; Fusha e shkollës së madhe.
b. Te shkalla krahasore dhe sipërore të formuara me pjesëzën më:
Mbiemrat e nyjshëm që përcaktojnë një emër në femërore në të gjithë rasat e zhdrejta të njëjësit shkruhen me nyjën e përparme të dhe, kur ndodhet para emrit, shkruhet me nyjën së:
Hartimi i një rregulloreje të re e më të plotë. Prodhimi i më së mirës raki të vendit.
c. Mbiemri i nyjshëm që ndjek një kundrinor të drejtë merr nyjën e kur është cilësor dhe të kur është në funksion kallëzuesor:
3. Nyja e përparme te përemri
Do të shkruhen me nyjë të përparme të gjitha trajtat e përdorimit të këtyre përemrave pronorë:
e (të) mi, e (mia), e (të) tu, e (të) tua, i (e, të) tij, i (e, të) tyre, i (e, të) saj:
nxënësit e mi; fletoret e mia; fshati i tyre;