របាំ «នារីលង្វែក»

របាំ«នារីលង្វែក»
របាំនេះនិយាយអំពីវីរភាពរបស់នារីនាសម័យលង្វែក🙏🏻ដែលហ៊ានលះបង់ទាំងកម្លាំងកាយ ទាំងសម្រស់កាត់សក់ ដើម្បីតស៊ូការពារទឹកដីក៏ដូចជាសិល្បៈវប្បធម៌🇰🇭
ម៉ូដសក់សម័យលង្វែក សម័យកាលនោះ ប្រទេសជាតិស្ថិតក្នុងសភាពវឹកវរ មិនស្ងប់សុខដោយមានការឈ្លានពានពីប្រទេសជិតខាង នារីៗសម័យនោះ បានចូលដៃចូលជើង រួមកម្លាំង ជាមួយប្រុសៗ ការពារបុព្វហេតុជាតិ ស្លៀកក្បិន ចងពុង កាត់សក់ទុករ៉ៃ ដៃកាន់អាវុធ ប្រយុទ្ធជាមួយសត្រូវឈ្លានពាន។ កាត់សក់ខ្លីទុករ៉ៃ ក៏ក្លាយជាម៉ូដ ពេញនិយមក្នុងសម័យនោះ ទំនៀមទម្លាប់ស្ត្រីស្លៀកក្បិនក៏កកើតមាន ក្នុងសម័យនោះដូចគ្នា។ មានមតិខ្លះនិយាយថាទំនៀមទម្លាប់ស្ត្រីស្លៀកក្បិននិងកាត់សក់ទុករ៉ៃគឺទទួលឥទ្ធិពលមកពីសៀមក្រោយពេលដែលសៀមដណ្ដើមបានខេត្តបាត់ដំបង សិរីសោភ័ណ ពោធិ៍សាត់និង សៀមរាបហើយពង្រីកឥទ្ធិពលវប្បធម៌របស់ខ្លួនមកលើទឹកដីកម្ពុជា។ តែតាមឯកសារអ្នកបូរាណវិទូខ្មែរបានរៀបរាប់ថា ប្រពៃណីស្ត្រីស្លៀកក្បិនកាត់សក់ទុករ៉ៃគឺកើតចេញពីការលះបង់របស់ស្ត្រីក្នុងសម័យលង្វែកនោះឯង ស្ត្រីមិនអាចស្លៀកសំពត់ 📜ទុកសក់វែងដៃកាន់សព្វាវុធចេញធ្វើសឹកសង្រ្គាមបានទេវាផ្ដល់ផលពិបាកច្រើន ទើបមានការកែប្រែដោយតម្រូវអោយកាត់សក់ខ្លីស្លៀកចងក្បិនដូចបុរសទើបបន្លំខ្លួនជាមួយក្រុមបុរសបាន៕
ចម្លង #នាយម៉ៃកូនខ្មែរសុវណ្ណភូមិ