Скачать или смотреть MAKETE HAWANA WIVU WA MAPENZI,WANAWIVU WA MISITU "DC KISSA" AJA NA MIKAKATI WA KUDHIBITI MOTO

Mkuu wa Wilaya ya Makete, Kissa Kasongwa, amewataka wananchi kuchukua tahadhari na hatua za haraka dhidi ya matukio ya moto katika maeneo ya misitu, akieleza kuwa kwa kipindi cha miaka minne iliyopita, moto katika misitu umeisababishia Wilaya ya Makete hasara ya zaidi ya shilingi bilioni 80.
‎
‎Akizungumza katika ziara yake ya kikazi iliyoanza Juni 16 Mheshimiwa Kasongwa amesisitiza kuwa Wilaya ya Makete ni miongoni mwa wilaya kinara katika upandaji wa miti ya kibiashara, kutokana na mwitikio mkubwa wa wananchi na hali nzuri ya hewa inayochangia ukuaji wa haraka wa miti ya mbao.
‎
‎Katika ziara hiyo, Mkuu wa Wilaya ya Makete aliambatana na na kikundi cha vijana kutoka Kijiji cha Mago, Kata ya Lupalilo. Vijana hao wamekuwa mstari wa mbele katika kudhibiti matukio ya moto kwenye mashamba ya miti katika kijiji chao na vijiji jirani. Kikundi hicho kilitoa elimu kwa wananchi kuhusu mbinu walizotumia kufanikisha ulinzi wa misitu, hatua iliyosaidia kijiji hicho kutokuwa na tukio lolote la moto kwa kipindi cha miaka mitatuno mfululizo.
‎
‎Aidha, Wakala wa Huduma za Misitu Tanzania (TFS) Wilaya ya Makete Moses Ndiu, Kamishna Msaidizi wa Jeshi la Zimamoto na Uokoaji wa Wilaya ya Makete Evaristo Mung'ongo pamoja na Afisa Misitu wa Wilaya hiyo, walitoa elimu ya kina kuhusu njia sahihi za kudhibiti na kuzuia moto katika maeneo ya misitu.
‎
‎Mheshimiwa Kasongwa amesema lengo la ziara hiyo ni kutembelea kata zote za Wilaya ya Makete ili kusikiliza kero za wananchi na kuzitafutia ufumbuzi wa haraka.
‎