Məni sağlığımda yoxla bəsimdir - Aydın Baba

Aydın baba - Məni sağlığımda yoxla bəsimdir
Aydın Qazaxlı

Demirəm dağlardan mənə qar gətir,
Meyvəsiz bağlardan mənə bar gətir.
Divardan əl boyda daş qopar gətir,
Məni sağlığımda yoxla, bəsimdir.

Məni ağ kəfənə büküməyə nə var,
Torpağı üstümə tökməyə nə var,
Bazardan gül alıb əkməyə nə var,
Məni sağlığımda yoxla, bəsimdir.

Sinəmi oxlayıb, dağlama mənim,
Yolumu, izimi bağlama mənim,
Yeddimi, qırxımı saxlama mənim,
Məni sağlığımda yoxla, bəsimdir.

Cırma üz gözünü tökmə göz yaşı,
Yığma dost-tanışı, qohum-qardaşı.
Neynirəm süfrədə yağlı bozbaşı,
Məni sağlığımda yoxla, bəsimdir.

Mən yazıq Aydın'ı gətirmə dilə,
Beş günlük dünyadır yaxşılıq eylə.
Öləndə düşmən də ağlayır lələ,
Məni sağlığımda yoxla, bəsimdir.

#seirler #seir #aydın

-------
1. Videonu bəyəndinizsə LİKE düyməsinə tıklayın ki, video daha çox insana çatdırılsın.
2. Ən yeni videolardan xəbərdar olmaq üçün kanalımıza ABUNƏ olun və "zınqırov" işarəsinə tıklayaraq bildirişləri aktiv edin..
-------
DİQQƏT: © Müəllif hüquqları qorunur..!!!
QN Production
-------
~ Youtube:    / qnproduction