Скачать или смотреть របៀបធ្វើសម្លខ្ទិះល្ពៅឆ្អឹងជំនីជ្រូក [How to make Pumpkin and Coconut Milk Soup with Pork Ribs]

ជំរាបសួរបងប្អូនទាំងអស់គ្នា ថ្ងៃនេះគឺមកជួបជាមួយនាងខ្ញុំទៀតហើយបងប្អូន ដែលថ្ងៃនេះនាងខ្ញុំមានមុខម្ហូបមួយមុខមកបង្ហាញជូនបងប្អូន នោះគឺសម្លខ្ទិះល្ពៅឆ្អឹងជំនីជ្រូក នេះគឺជាម្ហូបប្រចាំតំបន់។
ម្ហូបមួយមុខនេះប្រហែលជាបងប្អូនមួយចំនួនគាត់មិនសូវបានធ្វើញ៉ាំញឹកញ៉ាប់ទេ ហើយក៏ប្រហែលជាមិនសូវស្គាល់ពីម្ហូបមួយមុខនេះដែរ ភាគច្រើនគឺនាងខ្ញុំឃើញតែគេធ្វើជាប្រភេទ សម្លម្ជូរខ្ទិះម្នាស់ ឬម្ជូរខ្ទិះត្រកួនជាដើម ដោយឡែកសម្រាប់ល្ពៅគឺមិនសូវមានអ្នកយកមកធ្វើសម្លខ្ទិះល្ពៅទេ។ ល្ពៅភាគច្រើនគេយកទៅធ្វើជាបង្អែម ឬក៏យកទៅស្លកកូរ ក៏ដូចជាស្លប្រហើរ ឆាជាដើម។
ថ្ងៃនេះនាងខ្ញុំសុំមកបង្ហាញពីក្បួនធ្វើសម្លខ្ទិះល្ពៅដែលនាងខ្ញុំបានរៀនចេះពីម្ដាយក៏ដូចជាបងស្រីបង្កើតរបស់នាងខ្ញុំមកចែកជូនបងប្អូនទស្សនាដើម្បីឱ្យស្គាល់ពីម្ហូបខ្មែរមួយមុខនេះ ហើយនឹងចេះពីរបៀបម្ហូបបែបខ្មែរដែលមានតាំងពីបុរាណមកហើយ ហើយម្ហូបមួយមុខនេះគឺមានរស់ជាតិល្មួតឆ្ងាញ់ជាប់មាត់តែម្ដង និងសម្បូរទៅដោយវីតាមីនដែលជំនួយដល់រាងកាយរបស់យើងផងដែរ។
ដូច្នេះហើយនាងខ្ញុំចង់ឱ្យបងប្អូនធ្វើម្ហូបមួយមុខនេះសម្រាប់ទទួលទាននៅក្នុងក្រុមគ្រួសារ ដើម្បីទទួលបានសុខភាពល្អ និងព្រមទាំងជួយលើកស្ទួយបន្លែដែលបងប្អូនប្រជាកសិកររបស់ខ្មែរយើងដាំផងដែរ។
ជាចុងក្រោយនាងខ្ញុំសង្ឃឹមថាបងប្អូនចូលចិត្តវីដេអូមួយនេះ ហើយសូមជួយចុច #subscribe channel របស់នាងខ្ញុំម្នាក់មួយផង ដើម្បីទទួលបានវីដេអូធ្វើម្ហូបថ្មីៗ ចា៎សូមអរគុណសម្រាប់ការគាំទ្រ🙏😍

#cookingvideo #pumpkin #and #coconutmilk #porkribs #soup #recipe #relaxing #khmerfood #yummy #food #show #homemade