Ford Everest 2023 VS Ford Ranger Raptor 2023 តម្លៃដូចគ្នា! អែមដូចគ្នា គួរយកមួយណា?

Topic : Ford Everest 2023 VS Ford Ranger Raptor 2023
I. Intro
Ford Everest 2023! រថយន្ត SUV ប្រភេទគ្រួសារ កៅអី៣ជួរ បច្ចេកវិទ្យាទំនើប ប្រព័ន្ធសុវត្ថិភាពសម្បូរបែប រួមជាមួយនឹងភាពសន្សំសំចៃក្នុងការប្រើប្រាស់!
Ford Ranger Raptor 2023! កំពូលរថយន្តភីកអាប់ ខ្នាតកណ្ដាល ដ៏ល្បីល្បាញមួយ នៅក្នុងទីផ្សារពិភពលោក ក៏ដូចជាទីផ្សារប្រទេសកម្ពុជា រូបរាង អំណាច ទាក់ទាញ សមត្ថិភាពនៃការបើកបរ គ្រប់ស្ថានភាពផ្លូវ បើនិយាយពី Performance កប់សេរី តែម្ដង ព្រោះលើកនេះ បំពាក់មកជាមួយនឹង ម៉ាស៊ីនសាំង V6 3.0L Twin-turbo
២ ម៉ូដែលនេះ ហាក់ប្បី ដូចជា ចាហួយ ហើយនឹង សង្យារ អញ្ចឹង!
ថ្លៃបណ្ណាការ ស្មើរគ្នា គួរ ចែរចូវ ស្ដីដណ្ដឹង មួយណា?
សុទ្ធតែជារថយន្ត Pickup និង SUV សេរីថ្មី ហើយថ្មីខ្លាញ់គោ របស់ Ford ដែលទើបតែ ទទួលបាននូវការផ្លាស់ប្តូររូបឆោម លោមពណ៌ថ្មី! ហើយក៏ទើបតែលេចវត្ថមានក្ដៅៗ លើទីផ្សារប្រទេសកម្ពុជាផងដែរ!
រីឯតម្លៃនៅក្នុងប្រទេសកម្ពុជាយើង វិញ ក៏មិនខុសគ្នាដែរ! ទាំង២ម៉ូដែល មានតម្លៃ ៧៩៩០០$ !

II. Body
Ford Everest 2023 គឺជារថយន្ត SUV ដែលត្រូវច្រើន សម្រាប់បរិបទគ្រួសារ ដោយសារ តែរូបរាងថ្លៃថ្នូរ មិនឆើតឆាយពេក ចូលចំណោមបាន គ្រប់កាលៈទេសៈ! អ្វីដែលកាន់តែពិសេស គឺមាននូវភាពធំទូលាយ ក្នុងការប្រើប្រាស់ ដោយសារ រថយន្តនេះ គឺជាប្រភេទ រថយន្ត ដែលផ្ទុកនូវកៅអី ៣ជួរ! ដែលជារឿយៗ តែងតែផ្ដល់ នូវ ភាពងាយស្រួល សម្រាប់ការប្រើប្រាស់ ជាលក្ខណៈគ្រួសារ ឬក៏ធ្វើដំណើរ សម្រាប់សមាជិកលើសពី ៥នាក់!
មិនតែប៉ុណ្ណោះ Everest 2023 ក៏បាន បំពាក់បន្ថែមមក នូវមុខងារ សំខាន់ៗ ចាំបាច់ ជាច្រើន រួមមាន ជាសង្ខេប ដូចជា ៖
- ជម្រើសនៃការបើកបរ ឬ Drive mode រហូតដល់ទៅ ៦ គឺ =
+ Normal, Eco,Sport, Mud/rod, Sand, Rock,
- ប្រព័ន្ធចូលចត ដោយស្វ័យប្រវត្តិ អាចចូលអក្សរ T បាន ក៏ដូចជាប្រព័ន្ធចេញពីចំណត ដោយស្វ័យប្រវត្តិ
- ប្រព័ន្ធកាមេរ៉ា ៣៦០ ឌឺក្រេ!
- ប្រព័ន្ធហ្រ្វាំងអូតូម៉ាតិច នៅពេលរយ័រថយក្រោយ
- ប្រព័ន្ធចាប់ហ្រ្វាំង ក្រោយពេលឧប្បទវហេតុបុកប៉ះជាដើម (ប្រព័ន្ធនេះ មានមុខងារ មិនឱ្យរថយន្តមានចលនាជ្រុលទៅមុខ បន្ថែមទៀត ក្រោយមានឧប្បទវហេតុបុកប៉ះ)
- ប្រព័ន្ធរក្សាឱ្យការបើកបរ ស្ថិតនៅចំកណ្ដាល នៃប្រឡោះគំនូស ផ្លូវសងខាង
- ប្រព័ន្ធចង្កឹះលេខ E-shift ដែលមានភាពងាយស្រួលក្នុងការប្រើប្រាស់ ក៏ដូចជាសុវត្ថិភាពខ្ពស់
- ក៏ដូចជា អេក្រង់ ប្រព័ន្ធកំសាន្ត ដែលមានទំហំ រហូតដល់ ១២ Inch រួមជាមួយនឹង អេក្រង់បង្ហាញពត៌មានសម្រាប់អ្នកបើកបរ ជាប្រភេទ Digital
រួមជាមួយនឹង មុខងារ បន្ទាប់បន្សំជាច្រើនទៀត!
គួររំលឹកផងដែរថា សម្រាប់ Everest Titanium គឺបាន បំពាក់មកនូវ ជម្រើសម៉ាស៊ីន ៖
- ម៉ាស៊ូត 2.0L Bi-Turbo ដែលផ្ដល់នូវកម្លាំង 210PS និងកម្លាំងរមួល រហូតដល់ 500NM
- ប្រអប់លេខ ជាប្រភេទ 10វគ្គអូតូម៉ាតិច
- ពន្ធផ្លូវប្រចាំឆ្នាំ តែ ២០ម៉ឺន៛ ឬ ស្មើរនឹង ៥០$ តែប៉ុណ្ណោះ!
ទទឹងធំជាងមុន ៥០មម បណ្ដោយវែងជាងមុន ៥០មម ហើយកម្ពស់ក៏ខ្ពស់ជាងមុនផងដែរ!
បើសិនជា បរិបទគ្រួសារ Admin សូម Recommend Everest!
2 Ford Ranger Raptor 2023
គឺជារថយន្តភីកអាប់ ដែលមាន DNA តាមបែបស្ព័រ ហើយសង្កត់ធ្ងន់ខ្លាំង ទៅលើការបើកបរ លើស្ថានភាពផ្លូវ Off-road ភាគច្រើន អ្នកដែលកាន់លុយទៅទិញវារ អាចជាបុគ្គលដែលមានចរិកលក្ខណៈ ក៏ដូចជាចំណង់ ចំណូលចិត្ត បើកបរ គ្រប់កាលៈទេសៈ ដូចជាបោះតង់ លុកព្រៃ ឬធ្វើដំណើរផ្លូវឆ្ងាយ! ព្រោះរថយន្តនេះ បានបំពាក់មកនូវ ប្រព័ន្ធជើងក្រោម ជាប្រភេទបូម រួមជាមួយនឹង ស្លាបប្រចៀវ ផ្នែកខាងមុខ ដែលមានសមត្ថភាព ខ្ពស់ អាចឱ្យរថយន្តនេះ មានឯកទេសទៅលើការបើកបរ ក្នុងស្ថានភាពផ្លូវពិបាកក្នុងល្បឿន ឬ BAJA MODE
ហើយ ក៏អាច ជាបងប្អូន ដែលចូលរថយន្ត ដែលមានរូបរាង បែបអំណាចផងដែរ!
មុខងារសំខាន់ៗ របស់ Ranger Raptor គឺប្រហាក់ ប្រហែលជាមួយនឹង Ford Everest ដែរ! តែពិសេសត្រង់ រថយន្តនេះ បានបំពាក់មកនូវ Paddle shift ដែលមានមុខងារ ថែមថយលេខ នៅលើដៃចង្កូត ដែលផ្ដល់ នូវការបើកបរ តាមបែបស្ព័រ! ម៉្យាងវិញទៀត ផ្នែកខាងក្នុង នៃ Ranger Raptor ជំនាន់ចុងក្រោយ គឺផ្ដល់នូវ អារម្មណ៍ បែបស្ព័រ នាំមកនូវ ភាពជឿជាក់ក្នុងការបើកបរ!
ហើយសូមឆ្លៀតប្រាប់បងប្អូន ផងដែរថា ឆ្នាំនេះ Ranger Raptor គឺមានមក ជាមួយនឹង Sensor ផ្នែកខាងមុខបន្ថែមទៀត!
ជម្រើសម៉ាស៊ីនវិញ គឺប្លែកដាច់ពីគ្នា! ជាក់ស្ដែង Ranger Raptor ជំនាន់ថ្មី បានបំពាក់មកនូវជម្រើស ៖
- ម៉ាស៊ីនសាំង V6 ទំហំ 3.0L Twin-turbo
- កម្លាំង រហូតដល់ ៤០០សេស ជាមួយនឹងកម្លាំងរមួល NM
- ប្រអប់ជាប្រភេទ 10វគ្គអូតូម៉ាតិច
បើនិយាយពីសម្លេងស៊ីមាំងវិញ គឺមិនធម្មតាទេ ហើយថែមទាំងអាច ឱ្យអ្នកប្រើប្រាស់ ប្ដូរ Mode សម្លេងបាន ថែមទៀតផង!
រាងហំអំណាច, លក្ខណៈសម្បត្តិនៃការបើកបរ គ្រប់ស្ថានភាពផ្លូវ, បំពាក់ម៉ាស៊ីនសាំង Performance កប់សេរី, បើសិនបងប្អូន ជាអ្នកចូលចិត្តរបៀបស្ព័រ ផ្សងព្រេង លុកព្រៃ បើកបរគ្រប់ស្ថានភាពផ្លូវ នឹងចូលចិត្តអ្វី ដែលថ្មីប្លែក មិនច្រលំគេ Admin សូម Recommend Ranger Raptor 2023!
III. Conclusion
រវាងទាំង២នេះ តើមួយណា ដែលបងប្អូន នឹងជ្រើសរើស?