Скачать или смотреть పావురానికి కాకి సలహా నీతి కథ || The crow's advice to the pigeon Telugu moral story | bedtime stories

పావురానికి కాకి సలహా నీతి కథ || The crow's advice to the pigeon Telugu moral story | bedtime stories
#పావురానికికాకిసలహానీతికథ #Telugumoralstories #bedtimestories


************** పావురానికి కాకి సలహా నీతి కథ **********************

అడవిలో వున్న ఒక పెద్ద చెట్టు మీద రకరకాల పక్షులు గూళ్ళు కట్టుకుని నివశిస్తున్నాయి. అనుకోకుండా ఒక రోజు పెద్ద గాలివాన రావడంతో పావురం గూడు కూలిపోయింది. దాంతో పావురం పెట్టిన గుడ్లన్నీ కిందపడి పగిలిపోయి, ఒక్క గుడ్డు మాత్రమే మిగిలింది. ఒక్కగానొక్క పిల్ల మాత్రమే మిగలడంతో తల్లి పావురం దానిని ఎంతో గారాభంగా పెంచసాగింది. పిల్ల పావురం ఎగిరే వయసు వచ్చిన తర్వాత కూడా బయటకు వెళ్లనీయకుండా తనే ఆహారం తెచ్చి నోటికి అందించేది.

ఇలా రోజులు గడుస్తుండగా ఓ రోజు ఆహారం కోసం బయటకు వెళ్లిన తల్లిపావురం, పడవపై వస్తున్న వేటగాడి దృష్టిలో పడింది. అతను వెంటనే తన దగ్గర వున్న విల్లుతీసి.. బాణాన్ని సంధించాడు. పాపం, తల్లి పావురం తప్పించుకున్నా బాణం తగలడంతో రెక్కకు బలంగా గాయమైంది.
తర్వాత, దెబ్బ కారణంగా సరిగా ఎగరలేక ఆహారం కోసం బయటకు వెళ్లలేక పోయేది. అప్పుడు తన పిల్లను పిలిచి ఇలా అంది..
" చూడమ్మా..! రెక్క నొప్పి కారణంగా నేను ఎగరలేకపోతున్నాను. నీవు బయటకు వెళ్ళి ఎంతో కొంత ఆహారం సంపాదించుకుని రామ్మా.. "
" అమ్మో.. నేను ఇంత వరకూ బయటకు వెళ్ళనే లేదు.. ఎక్కడికి వెళ్ళాలో కూడా తెలియదు.. ఉహూ.. నేను బయటకు వెళ్లను.." అని చెప్పింది పిల్లపావురం..
ఇక చేసేదిలేక తల్లి పావురమే అవస్దపడుతూ బయటకు వెళ్లి ఆహారం తీసుకుని వచ్చేది..

పక్క కొమ్మమీద గూడును ఏర్పాటు చేసుకుని తన పిల్లలతో వుంటున్న కాకి ఇదంతా గమనించి, తల్లి పావురం దగ్గరకు వచ్చి ఇలా అంది.
" నీవు చేసిన అతి గారాబం వలనే నీ పిల్ల అలా తయారైంది. దాని తీరు మార్చే ప్రయత్నం చేయకపోతే భవిష్యత్తులో చాలా కష్టం .." అని మందలించింది.

కాకి చెప్పిన మాటలతో పావురం కూడా ఏకీభవించి.. " నువ్వే ఏదయినా సలహా చెప్పు.. " అని అడిగింది.
అందుకు కాకి సరేననీ.. పక్క కొమ్మ మీద గూడులో వున్న తన పిల్లలతో " చూడండీ పిల్లలూ..! ఈ రోజు నేనే ఆహారం తెచ్చి పెడతాను. మీరు గూట్లోనే వుండండి" అని పిల్ల పావురానికి వినిపించేలా గట్టిగా అరిచింది.

" మాకు రెక్కలు లేనప్పుడు నువ్వు ఆహారం తెచ్చి పెట్టావు.. ఇప్పుడు మాకు రెక్కలు వున్నాయి కదా.. మేమేం చేతకాని సోమరులం కాదు.. బయటకు వెళితే సంతోషంగా వుంటుంది.. ఆహారంతో పాటు లోకంలో అనేక వింతలు కనిపిస్తాయి." అన్నాయి పిల్లకాకులు..

ఎప్పుడూ బయటకు వెళ్లని పిల్ల పావురానికి ఈ మాటలు విన్నాకా బయట తిరిగి రావాలనే ఉత్సాహం కలిగింది...
కాకి పిల్లలతో పాటే ఎగురుతూ వెళ్ళింది.

" ఆహా.. జలపాతం ఎంత అద్బుతంగా వుందీ.. "
" ఈ పూలవనం చాలా చూడముచ్చటగా వుంది."


అలా ఎగురుతూ ఎన్నో అందమైన దృశ్యాలను చూసి కేరింతలు కొట్టింది.. అంతేకాక ఇంతకాలం అలాంటి అందాలను చూడనందుకు బాధపడింది. తన ఆహారం అది సంపాదించుకుంది. . తల్లికి కూడా ఆహారం తీసుకుని వచ్చింది. తన పిల్లలో వచ్చిన మార్పుకి తల్లి పావురం ఎంతగానో సంతోషించింది. ప్రక్క కొమ్మమీద వున్న కాకికి కృతఙతలు తెలుపుకుంది.