Isroil G‘azo janubida hujumlarni kuchaytirmoqda

Isroil kuchlari G'azo janubi, xususan, sektor aholisining yarmidan ziyodi jon saqlayootgan so'nggi panoh maskani Rafahga hujumlarni kuchaytirar ekan, bu hududga bir hafatdan beri ikki muhim chegara punktidan gumanitar yuklar kirishi to'xtab qolgan. 600 mingga yaqin odam Rafahni tark etishga ulgurgan. Bu orada AQSh G'azo sektori sohiliga o'rnatgan mobil portdan dastlabki gumanitar yuk kira boshlagan. AQSh harbiylarining bildirishicha, portdan kuniga qariyb 150 ta yuk mashinasida sektor aholisiga yordam yetkaziladi. BMT hisobotiga ko'ra, 2,3 million aholiga ega G'azoda 1,1 million odam ocharchilik domida. Isroil Janubiy Afrika da'vosi bilan Xalqaro jinoiy sudda ochilgan sud ishida G'azoda genotsid jinoyatini amalga oshirayotganiga doir ayblovni keskin rad etmoqda.