Скачать или смотреть მაცი ხვიტია | სათავგადასავლო | ქართული ფილმი 1966წ

მაცი ხვიტია | სათავგადასავლო | ქართული ფილმი 1966წ

აღწერა:
სახალხო დღესასწაულზე მაცი ხვიტიას მოხდენილი ჯირითით მოხიბლული დედოფალი გურანდუხტი მას თავის ამალაში სამსახურს შესთავაზებს. მაცი უარს იტყვის და იმავე ღამეს, დედოფლის ბრძანებით თურქეთში გასაყიდად მოტაცებულ გოგონებს, მათ შორის თავის სატრფოს, ეკას გაათავისუფლებს. ტყვეებით ვაჭრობის წინააღმდეგ მებრძოლი მაცი გურანდუხტის რისხვას არაერთხელ დაიმსახურებს. იგი თავისი რაზმით თურქეთისკენ მიმავალ ტყვეებით სავსე გემს თავს დაესხმის და ტყვეებს გაათავისუფლებს, შემდეგ კი ეკასთან ერთად გეზს თავისუფალი სვანეთისკენ აიღებს, სადაც საფრთხე აღარ დაემუქრებათ. გურანდუხტის ქვეშევრდომები გაქცეულებს წამოეწევიან და დახოცავენ.

გადაღებულია ანტონ ფურცელაძის ამავე სახელწოდების რომანის მიხედვით.

დამდგმელი რეჟისორი: გიორგი შენგელაია
სცენარის ავტორი: გურამ ასათიანი , გიორგი შენგელაია
დამდგმელი ოპერატორი: გიორგი კალატოზიშვილი , იგორ ამასიისკი
დამდგმელი მხატვარი: ვასილ არაბიძე , რომან მახარაძე
კომპოზიტორი: სერგო ჟვანია
ხმის რეჟისორი / ოპერატორი: მიხეილ ნიჟარაძე
მონტაჟი: მანანა ყარალაშვილი
პროდიუსერი: შოთა ლაფერაძე

მონაწილეობენ:
ალეკო გაბეჩავა (მაცი)
მანანა აბაზაძე (ეკა)
გიორგი (გოგი) ქავთარაძე (კოჭოია)
დავით(დოდო) აბაშიძე (ომარ მარღანია)
რევაზ ხობუა (ძგვიბი)
ვარლამ (ვალოდია) წულაძე (ხვიჩა)
ლიანა ასათიანი (გურანდუხტი)
გიორგი გელოვანი (ჯოღორია-მოურავი)
კახი კავსაძე (ჯამლეტი-ბატონიშვილი)
დათო ყუფარაძე (მღვდელი)
ზურაბ ყიფშიძე (პატარა კოჭოია)
მ. დონდოლაძე
მ. ჯანჯღავა
თინათინ ჩარკვიანი
ელისაბედ (ლიზა) ვაჩნაძე
კონსტანტინე (კოტე) თოლორაია
დავით ოქროსცვარიძე
ბონდო გოგინავა
კუკური მჟავანაძე
ვლადიმერ (ლადო) გვიშიანი
გრიგოლ ტყაბლაძე (მაცის მამა)

"მაცი ხვიტია"
სათავგადასავლო
სს "ქართული ფილმი"
ხანგრძლივობა: 9 ნაწილი, 2570 მეტრი, 89 წუთი
გამოშვების წელი: 1966 , პრემიერა: 1967