Скачать или смотреть I-11 Kaklutchara Deva

1. Kaklutchara Deva,
Kaklut korun dakhoi!
Bhov konnvallea Deva,
Guneanv pusun uddoi!

2. Patkanchem khot dhuun
Mhaka nitoll Tum kõr
Rebantlo kadd mhaka,
Nirmoll korun dovor.

3. Mhozo guneanv khoroch
Aiz hanv ollkhun ghetam.
Sodanch mhojem patok
Mhojê mhukar tthevtam.

4. Tujer chuklam, Saiba,
Tukach okman kela!
Tuje nodren jem vaitt
Hanvem, Saiba, kelam.

5. Zhõddti kortai tednam
Nitin formonn martai:
Mon’subidaracher
Xinn hanv koso korin?

6. Mhaka, Saiba, polle:
Patkant zolmank ailam,
Mhojê maichea kusveant
Patkant hanv sombhovlam.

7. Kallzant sotuch aslear
Tuka man’ta, Saiba:
Dekhun kallzant mhojea
Zannvai rigoi, Deva.

8. Mhaka nitoll korxi
Zalear nitõll zat’lom:
Kõr mhaka dhuun
Borfa poros dhovo.

9. Anondacho avaz
Mhojea kanar poddum,
Chirddailolim haddam
Jivall zaum nachum.

10. Mhojea patkavoili
Nodor Tum kadd, Saiba:
Sogllo mhozo guneanv
Kaddun uddoi, Deva.

11. Nirmoll kalliz rochun
Ghal Tum horddeant mhojea,
Thir mon ghoddun, Deva,
Portun Tum di mhaka.

12. Tujê-koddcho mhaka
Tum bhair ghalum naka;
Tuzo Povitr Atmo,
Saiba, kadum naka.

13. Tujê soddvonnecho
Mhaka sontõs bhogum,
Udar monan mhaka
Tum thir korun samball.

14. Papiank Tujeõ vattõ
Xikoitolom, Deva:
Tujê sorxim patki
Portun iet’le, Saiba.

15. Deva, tar’ka mhojea,
Doien mhaka nivar;
Soglleak Tuji doia
Vakhanntolom, saiba.

16. Tujem kirton, saiba,
Mhõjea tonddan korcheak
Mhojeam onttanr Tum ghal
Vakhann’nnechim utram.

17. Iodnant mhojea Tuka
Kosloch anond mellnam;
Hõm-ui bhettoun dilear
Tuka sontõs bhognam.

18. Êk iõdn Tuka man’ta:
Khontibhorit kalliz!
Chirddololea kallzak
Kednanch Tum patt võllnãi.

19. Sionak upkar korun
Moipas dakhoi, saiba:
Jeruzalea-durgam
Novean bandun Tum di.

20. Tedanam iodn ani hõm’
Tuka manovtole;
Paddkule hann’n Tuka
Vedir vopun dit’le.