朱千雪岑杏賢罕現身 貼中老友反骨琪得獎

朱千雪岑杏賢罕現身 貼中老友反骨琪得獎

港姐出身嘅 朱千雪 同 岑杏賢 近年分別轉戰法律界同全職媽咪，呢日佢哋就為慈善齊齊現身一個活動喇，近日 陳凱琳 同 鄭嘉穎 嘅第三胎囝囝出世，千雪就話已經祝賀咗對方，不過身為人妻嘅自己有冇計畫生小朋友，佢就話要再諗諗先喇。

Jennifer婚後前年亦都升呢做人母，呢日佢就話暫時唔會再追多一個，打算等小朋友大個小小再決定咁話。佢哋兩位早前仲約咗另一位姊妹 蔣家旻 食飯，預祝佢台慶頒獎禮有好成績，如果Angel亦不負眾望獲「最佳女配角」，唔怪得呢日佢哋話集氣成功，要Angel請食大餐慶功呀。

而身為呢個活動搞手嘅 劉倩婷，除咗有好姊妹幫手之外，老公 李丞責 師傅亦帶埋小朋友親自到場支持，Sandy仲話老公連住家飯都冇得食，仲要照顧埋囡囡，辛苦晒佢咁話呀。

而被邀請做老師同推廣大使嘅 邵珮詩 同 宋宛穎 會同好多小朋友互動，仲令佢哋母性大發，不過回復單身嘅佢就未有男士約會喎，而Sabrina就話希望可以挑戰教小朋友，新年仲會趁機返澳門休息陪家人呀。

#朱千雪 #岑杏賢 #陳凱琳 #蔣家旻 #劉倩婷 #李丞責 #邵珮詩 #宋宛穎
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0