Скачать или смотреть លោកស្រីមួរ សុខហួរ ការបង្កើតបក្សថ្មី មិនផ្តល់ប្រយោជន៍ដល់ប្រជាធិបតេយ្យ និងមិនចំណេញដល់ពលរដ្ឋឡើយ

លោកស្រី មួរ សុខហួរ ការបង្កើតបក្សថ្មី មិនផ្តល់ប្រយោជន៍ដល់ប្រជាធិបតេយ្យ និងមិនចំណេញដល់ពលរដ្ឋឡើយ


អនុប្រធាន​អតីត​គណបក្ស​សង្រ្គោះជាតិ​ លោកស្រី​មួរ សុខហួរ ​បាន​អះអាង​ប្រាប់​វិទ្យុ​បារាំង​អន្តរជាតិ​នៅ​ព្រឹក​ថ្ងៃ​ព្រហស្បតិ៍​នេះ​ថា​ ការ​បង្កើត​គណបក្ស​នយោបាយ​ថ្មី​របស់​លោក​អ៊ូ ច័ន្ទរ័ត្ន ​និង​មន្ត្រី​អតីត​បក្ស​ប្រឆាំង​ផ្សេង​ទៀត​ គឺ​មិន​បាន​ផ្តល់​ផល​ប្រយោជន៍​ដល់​ប្រជាធិបតេយ្យ​ ​និង​មិន​ចំណេញ​ទាល់​តែ​សោះ​ដល់​ប្រជាពលរដ្ឋ​ខ្មែរ​។ ការ​លើកឡើង​របស់​លោកស្រី​មួរ សុខហួរ​នេះ​ គឺ​ស្រប​ពេល​ដែល​គណបក្ស​ថ្មី​«កែទម្រង់កម្ពុជា»​របស់​លោក​អ៊ូ ច័ន្ទរ័ត្ន ​កំពុង​ត្រូវ​បាន​រៀបចំ​ឯកសារ​ចុះ​បញ្ជី​នៅ​ក្រសួង​មហាផ្ទៃ​ និង​អាច​ប្រកាស​ជា​ផ្លូវការ​នៅ​ខែ​ក្រោយ​នេះ​។

​«​គ្មាន​ផលប្រយោជន៍​ដល់​ប្រជាធិបតេយ្យ​ ​និង​មិន​ចំណេញ​ដល់​ប្រជាពលរដ្ឋ​»​ ​គឺជា​ការ​អះអាង​របស់​លោកស្រី​មួរ​ ​សុខ​ហួរ​ទៅកាន់​អ្នក​ដែល​បាន​ ​និង​កំពុង​រៀបចំ​បង្កើត​បក្ស​នយោបាយ​ថ្មី​ ​ដើម្បី​ចូលរួម​ការបោះឆ្នោត​នៅ​ក្នុង​ឆ្នាំ​២​០​២​២​ ​និង​ឆ្នាំ​២​០​២​៣​ខាងមុខ​។​ ​អនុប្រធាន​អតីត​គណបក្ស​ស​ង្រ្គោះ​ជាតិ​ដែល​កំពុង​ស្នាក់​នៅ​ក្រៅ​ប្រទេស​រូប​នេះ​ ​បាន​លើកឡើង​ថា​ ​ពួកគេ​គួរតែ​គិតដល់​ប្រជាពលរដ្ឋ​ ​និង​មិន​ត្រូវធ្វើ​អ្វី​ដែល​ជា​ការ​ចង់បាន​របស់​លោកនាយក​រដ្ឋ​ម​ន្រ្តី​ហ៊ុន​ ​សែន​ ​ប្រធាន​គណបក្សប្រជាជន​កម្ពុជា​នោះ​ទេ​។​ ​សម្រាប់​លោកស្រី​មួរ​ ​សុខ​ហួរ​ ​បើ​ទោះបី​មានការ​បង្កើត​បក្ស​នយោបាយ​ថ្មី​ក្តី​ ​ប៉ុន្តែ​វា​មិន​អាចម​ក​ជំនួស​អតីត​បក្ស​ស​ង្រ្គោះ​ជាតិ​ដែល​កើត​ចេញពី​ការ​រួប​រួមគ្នា​រវាង​លោក​សម​ ​រ​ង្ស៊ី ​និង​លោក​កឹ​ម​ ​សុខា​បាន​ឡើយ​។​


ប្រភព: https://rfi.my/74lX