ឆា-បញ្ចុះ ឬ ឆា-រេវ បែបបទរបាំនៃព្រះរាជាណាចក្រកម្ពុជា និង ព្រះរាជាណាចក្រថៃ។ |Cambodia,Thailand|

សូមជូននូវទស្សនីយភាព ឆា-បញ្ចុះ ឬ ឆា-រេវ បែបបទរបាំនៃព្រះរាជាណាចក្រកម្ពុជា និង ព្រះរាជាណាចក្រថៃ។

បទ ខែកមន

ការសំពះគ្រូរបាំទម្រង់នៃព្រះរាជាណាចក្រកម្ពុជា:
សិស្សដែលហាត់រៀនរបាំនៅសាលា ព្រមទាំងគ្រូបង្ហាត់ គឺចំបាច់ត្រូវរៀបចំពិធីរំលឹកគុណគ្រូរបាំ ក្នុងគោលបំណងសម្ដែងនូវសេចក្ដីគោរពចំពោះគ្រូរបាំ ក៏ដូចជាបួងសួងសុំកិច្ចការពារអំពីសំណាក់ពួកគាត់ទាំងក្នុងពេលហាត់រៀន និងមុនពេលឡើងសម្ដែងធំៗ។ ជារៀងរាល់ថ្ងៃព្រហស្បតិ៍ នៅសាលារបាំជូនធូប និងផ្លែឈើទៅគ្រូបង្ហាត់របស់ពួកគេ ព្រមទាំងមានតន្រ្តីភ្លេងប្រគំអមការបួងសួងសុំសាធុការពរ។

ក្រៅពីនេះក៏មានពិធីសែនព្រេនធំៗ ដែលគេហោថា «ពិធីសែនគ្រូធំ»។ ពិធីនេះត្រូវការមានរៀបចំគ្រឿងតង្វាយច្រើនរួមទាំងសាច់ ផ្លែឈើ និងម្ហូបអាហារជាដើម ដែលតង្វាយខុសគ្នាពីតួអង្គមួយទៅមួយដូចជា តួអង្គយក្សចូលចិត្តក្បាលជ្រូក តួនាយរោងចំណូលមាន់ស្ងោរ ចំណែកឯផ្លែឈើសម្រាប់តួស្វាជាដើម។

បន្ថែមពីលើនេះ នាឱកាសពីធីសែន នារីរបាំត្រូវរៀបចំបាយសី រួមទាំងស្លាធម៌ដែលគេដាក់តម្រៀបនៅពីមុខរបាំងមុខ និងមកុដអ្នករបាំ ព្រមទាំងពីមុខរបាំងមុខរបស់មហាឥសីដែលមានតំណែងធំជាងគេ ហើយក៏មានភ្លេងពិណ្យពាទ្យប្រគំឡើង  ដើម្បីអញ្ជើញបារមីគ្រូរបាំ និងគ្រូភ្លេងឲ្យមកជួបជុំក្នុងថ្នាក់របាំ ហើយនារីរបាំសម្ដែងក្បាច់រាំដែលពួកគាត់បានហាត់ចេះចាំថ្វាយ និងបួងសួងសុំឲ្យជួយថែរក្សាពួកគេក្នុងការហ្វឹកហាត់។ 

បន្ទាប់មកទៀតជាកិច្ចបញ្ជប់ គ្រូរបាំចងខ្សែសីមាផោទៅនឹងកដៃសិស្សទាំងអស់ ហើយប្រោះទឹកមុន និងជូនពរឲ្យពួកគេទទួលបានសំណាងល្អ ជោគជ័យ និងសុខភាពល្អ។

យ៉ាងណាមិញ គ្រូរបាំពុំត្រឹមតែជាគ្រូដែលកំពុងបង្ហាត់បង្រៀនសិស្សនៅសាលាប៉ុណ្ណោះនោះទេ គឺសំដៅទៅដល់គ្រូដើមជាអាទិទេពខាងរបាំដែលនៅឃុំគ្រងការហ្វឹកហាត់របស់សិស្ស វិញ្ញាណរបស់តួរបាំសំខាន់ៗ និងអាទិទេពជាច្រើនអង្គផ្សេងទៀតផងដែរ៕

(ដកស្រង់ចេញពី សៀវភៅខ្ញុំចង់ដឹង «របាំបុរាណខ្មែរ» របស់អង្កការ Sipar ទំព័រ ៣៣ បោះពុម្ពផ្សាយ ខែកក្កដា ២០១៨)។

ភ្លេង ឆា-បញ្ចុះ សម្រាប់ក្បាច់មូលដ្ឋាន
-pleng Chha_Banhcho (basics dance in Cambodia)
-เพลงช้า-เพลงเร็ว (Thailand)

Video from:
Morodockhmok Channel
Sakgavin Siriwattanak Channel