Скачать или смотреть Sood ghe tyacha lankapati

आपल्याला सतत काहीतरी वेगळं करायचं असतं. इतरांपेक्षा आपली कला वेगळी असावी, सादरीकरण वेगळं असावं असा प्रयत्न आपण करत असतो. अशीच एक संधी मला मिळाली.
एकीकडे 10 वी ची तयारी, आणि या गाण्याची तयारी. दर वर्षी रामनवमी ला आम्ही 'गीतरामायण' कार्यक्रम सादर करतो. अभिजीत पंचभाई यांनी 2006 पासून याची सुरवात केली. या वर्षी एक तप पूर्ण झालं. माझी ताई दीप्ती हिच्या मनात पहिल्यापासून होतं कि मी हे गाणं गावं, कारण खूपच कमी गायलं जाणारं गाणं आहे. त्यामुळे तिचं प्रचंड प्रोत्साहन!
ग. दि. मा. यांचे एवढे ताकदवान शब्द, आणि बाबूजींनी ते ज्या पद्धतीनी गायलंय, मी तर पहिल्यांदा घाबरलेच. पण धीर करून बसवलं.
सर्वात पहिल्यांदा डॉ. विनोद देऊळकर यांनी मला तबल्याची साथ केली. आमच्या जोडीला रावण- शूर्पणखाच म्हणायचे, कारण रावणाने जशी शूर्पणखेला साथ दिली, तसेच ते मला अतिशय समजून साथ करत. त्यांच्या नंतर राजेंद्र हसबनिस, पराग पांडव, अभिजीत जायदे, उपेंद्र शितूत, अमित कुंटे या सर्वांनी खूप छान साथ दिली. Percussionist उद्धव कुंभार यांचा पण महत्वाचा वाटा यात आहे. Duff नाही वाजला तर मजाच नाही.
या गाण्यानी मला ग. दि. मा. प्रतिष्ठान चं पाहिलं बक्षीस मिळवून दिलं आणि दर वर्षी शूर्पणखा म्हणून कौतुकाने हाक मारणारे प्रेक्षक दिले.
या वर्षी दत्ता चितळे काका यांच्या कार्यक्रमात श्रीधर फडके काका प्रमुख पाहुणे होते, त्यांच्यासमोर हे गाणं संपूर्ण दहा कडव्यांसाहित सादर करायची मला संधी मिळाली आणि त्यांच्याकडून standing ovation मिळालं. माझ्या सर्व साथीदारांचे आभार.
सर्वसाधारणपणे माणसाला राक्षसाच्या नावाने संबोधलेलं चांगलं मानलं जात नाही, पण मी मात्र शूर्पणखा म्हणून अभिमानाने मिरवते आणि स्वतःला अतिशय भाग्यवान समजते!
बाबूजी आणि ग. दि. मा. यांचं हे जन्मशताब्दी वर्ष, आणि ग. दि. मा. यांचा आज जन्मदिवस, त्यानिमित्ताने माझ्याकडून हि आदरांजली💐