Joʻraxon Sultonov - Oh kim? / (1903.29.01 — 1965.19.10 Margʻilon)

Joʻraxon Sultonov (1903.29.1 Margʻilon — 1965.19.10) — xonanda, bastakor, Oʻzbekiston xalq hofizi (1939). Keng diapazonli, kuchli, yumshoq xirildoq va dardli ovoz sohibi. Xonandalik saboqlarini ilk bor otasidan olgan, keyinchalik Madali xofizdan yalla yoʻllarini, Boltaboy Rajabov, Mamatbuva Sattorovlardan katta ashula, Sodirxon hofiz, Mulla Toʻychi hofizlardan maqom yoʻllarini oʻzlashtirgan. Dastlab xalq toʻysayillari, choyxonalarda xizmat qilgan. 1926 yildan Muhiddin Qoriyoqubov rahbarligidagi Oʻzbek davlat konsertetnografik truppasiga qatnashgan. Margʻilon (1928—32) va Toshkent (1932—36 va 1940—58) teatrlarida, Oʻzbek davlat filarmoniyasi (1936—39), Oʻzbekiston radioqoʻmitasi (1950—58)da yakkaxon xonanda. Muqimiy teatrida Parfi hofiz ("Tohir va Zuhra"), Norqoʻzi ("Nurxon") kabi rollarni ham ijro etgan.

Sultonov xalq orasida "Katta ashula piri" nomini olgan, shuningdek, yallalar ustasi, askiyachi sifatida ham tanilgan. Shogirdi Ma'murjon Uzoqov bilan 25 yildan optik, hamnafaslik qilib, oʻziga xos talqin yoʻlini yaratgan. Repertuaridan "Ushshoq" va "Sodirxon Ushshogʻi", "Dugoh Husayn", "Besh parda Suvora" va "Savti Suvora", "Hanuz", "Chor zarb", "Chaman yalla" kabi mumtoz ashula va yallalar, "Bogʻ aro", "Shafoat", "Xayrul bashar", "Otga mindim" va boshqa katta ashulalar o'rin olgan. U oʻzbek xalq kuy va usullari asosida bir qancha ashulalar ijod qilgan. "Naylayin", "Oʻlmasun" (Navoiy), "Keling , ey ahboblar" (Furqat), "Bir qadah" (Chustiy), "Mubtaloman" (S.Abdulla), "Ming qadam" (Habibiy), "Bir kelsin", "Ey dilbari jononim", "Oh kim" kabi katta ashulalarni cholgʻu joʻrligida ijro etib yangi uslub yaratgan. Sultonov ijrolari Oʻzbekiston radiosi va Sanʼatshunoslik instituti fondi jamg'armalarida saqlanmoqda, bir necha grammplastinka, audiokasseta va kompakt disklarga yozilgan. Vafotidan soʻng "Buyuk xizmatlari uchun" ordeni bilan mukofotlangan (2000). 1997 yildan Margʻilonda Jo'raxon Sultonov va Ma'murjon Uzoqovlar nomidagi Respublika xonandalar tanlovi oʻtkazilmoqda.

Assalomu alaykum azizlar!
Xabaringiz bor ZO'R TV telekanali orqali sizlar bilan "UZOQOV STUDIO" ko'rsatuvini tomosh qilganmiz va hozirgi vaqtda ma'lum sabablarga ko'ra ko'rsatuv efir yuzini tark etdi. Shu sababli biz siz azizlarimiz uchun "Uzoqov Studio" #YouTube kanalini ochdik.
Ushbu kanal o'tgan ustoz san'atkorlarning xotirasiga bag'ishlangan holda ustazoda san'atkor, xalqimizning sevimli aktyori Alisher UZOQOV boshchiligida yaratildi.
Bu kanalda O'zbek san'atining haqiqiy mumtoz durdonalarini tomosha qilishingiz va ular bilan tanishishingiz mumkin va yana shuni bildirib o'tmoqchimizki agarda siz xalqimizning durdona qo'shiqlarini maromiga yetkazib ijro eta olsangiz bizga yuboring va biz uni ko'rib chiqib albatta kanalimizga yuklaymiz!!!
O'zingiz va yaqinlaringizni asrang...!
Murojaat uchun telegram +998909170510
Kanal mualliflik huquqi Alisher UZOQOVGA tegishli